पुणे : पर्वती दर्शन येथे पायी जाणाऱ्या एका मद्यपीला व एका दुचाकीस्वाराला पोलिसांनी काठीने जबर मारहाण केल्याचा धक्कादायक प्रकार उघडकीस आला आहे. हा व्हिडिओ सोशल मिडीयावर व्हायरल झाल्यानंतर त्यावर संतप्त प्रतिक्रिया उमटु लागल्या. दरम्यान, या प्रकराची गंभीर दखल वरिष्ठ पोलिस अधिकाऱ्यानी घेतली असून संबंधित पोलिसांवर कारवाई करण्याचा इशारा दिला आहे.

ताज्या बातम्यांसाठी डाऊनलोड करा ई-सकाळचे ऍप
पुण्याच्या बातम्या वाचण्यासाठी येथे ► क्लिक करा

कोरोनामुळे शहरात संचार मनाई आदेश लागू असल्याने तसेच कोरोना प्रतिबंधित क्षेत्रात कडक अंमलबजावणी केली जात आहे. दरम्यान, दत्तवाडी पोलिस ठाण्याच्या हद्दीत काही दिवसांपूर्वी पायी जाणाऱ्या एका मद्यपीला साध्या वेशातील दोन पोलिसांकडुन काठीने जबर मारहाण झाली होती. तसेच एका दुचाकीस्वाराला देखील पोलिसांनी मारहाण केली. दरम्यान, घटनेचा व्हिडिओ व्हाट्सअप, फेसबुकवर मोठ्या प्रमाणात व्हायरल झाला होता. पोलिसांनी केलेल्या या मारहाणीबाबत नागरीकांनी संताप व्यक्त केला होता. 

काय सांगता? लॉकडाऊनमध्ये पुण्यात होतेय हुक्क्याचीही 'होम डिलीव्हरी​

या घटनेची वरिष्ठ अधिकाऱ्यानी गांभीर्याने दखल घेतली. याविषयी पोलिस सहआयुक्त डॉ.रविंद्र शिसवे म्हणाले, " काही पोलिसांनी नागरीकांना मारहाण केल्याची घटना पुढे आली आहे. संबंधित नागरीकाने गुन्हा केला असेल तर त्याच्यावर कायदेशीर कारवाई केली पाहिजे, अशा पद्धतीने मारहाण करणे गैर आहे. या प्रकाराची गांभीर्याने दखल घेत चौकशी केली जाईल. त्यानंतर संबंधितांवर कारवाई केली जाईल."

पुणेकर दारूसाठी अपाॅइंटमेंट घेण्यातही आघाडीवर