पुणे :  केंद्रीय आरोग्य मंत्रालयाने देशातील 733 जिल्ह्यांची रेड, ऑरेंज आणि ग्रीन झोनमध्ये विभागणी केली आहे. यात देशातील 130 जिल्हे रेड झोनमध्ये असून, महाराष्ट्रातील पुणे, मुंबईसह 14 जिल्हे रेड झोनमध्ये आहेत. आरोग्या मंत्रालयाने दिलेल्या माहितीनुसार, लॉकडाउनचा कालावधी 3 मे रोजी संपल्यानंतर या जिल्ह्यांत निर्बंध लागू राहणार आहेत. याचवेळी ऑरेंज झोनमध्ये काही प्रमाणात निर्बंध शिथिल करण्यात येतील तर ग्रीन झोनमध्ये निर्बंध अतिशय कमी प्रमाणात असतील.

पुण्याच्या बातम्या वाचण्यासाठी येथे ► क्लिक करा 

याचबरोबर दिल्ली, मुंबई, कोलकता, हैदराबाद, बंगळूर आणि अहमदाबाद या महानगरांमध्ये लॉकडाउनचा कालावधी संपल्यानंतरही निर्बंध असणार आहेत. 
राज्यात कोरोनाचा सर्वाधिक उद्रेक मुंबई आणि पुण्यात झाला आहे. येथील रुग्णांची संख्या दिवसेंदिवस वाढत असल्याने या हा भाग रेड झोनमध्ये आहे. येथील निर्बंध 3 मेनंतर आणखी वाढतील. मुंबई, पुण्यासह ठाणे, पालघर, सातारा, नाशिक, नागपूर, सोलापूर, यवतमाळ, औरंगाबाद, धुळे, अकोला, जळगाव आणि रायगड हे जिल्हे रेड झोनमध्ये आहेत. 

पुण्याच्या बातम्या वाचण्यासाठी येथे ► क्लिक करा 

लॉकडाउनमध्ये यावरील बंदी कायम 
- हवाई प्रवास 
- रेल्वे सेवा (स्थलांतरित कामगारांसाठीच्या विशेष गाड्यांचा अपवाद)  
- मेट्रो सेवा 
- आंतरराज्य रस्ते वाहतूक 
- शाळा, महाविद्यालये आणि इतर शैक्षणिक, प्रशिक्षण, कोचिंग संस्था 
- हॉटेल, रेस्टॉरन्ट आणि इतर हॉस्पिटॅलिटी सेवा 
- गर्दीची ठिकाणे - चित्रपटगृहे, मॉल, जिम, क्रीडासंकुले 
- अत्यावश्यक सेवा वगळता इतर नागरिकांना रात्री 7 ते सकाळी 7 संचारबंदी 
- ज्येष्ठ नागरिक, गर्भवती आणि दहा वर्षांखालील मुले यांनी घरातच राहावे. केवळ अत्यावश्यक गरजा आणि वैद्यकीय कारणासाठी बाहेर पडता येईल. 
- सर्व धार्मिक स्थळे 
- धार्मिक, सामाजिक, राजकीय, क्रीडा, मनोरंजन, शैक्षणिक, सांस्कृतिक कार्यक्रम