पुणे - कोरोना बाधित रुग्णांसाठी ऑक्‍सिजन सिलिंडरचा तुटवडा भासू नये, यासाठी उत्पादक कंपन्यांनी उत्पादनाच्या 80 टक्‍के ऑक्‍सिजन वैद्यकीय कारणासाठीच वापरावा, असे राज्य सरकारने निर्देश दिले आहेत. तसेच, ऑक्‍सिजनचे उत्पादन आणि वितरणावर नियंत्रण ठेवण्यासाठी प्रशासनाकडून बारीक लक्ष ठेवण्यात येत आहे. त्यासाठी महसूल, पोलिस, अन्न व औषध प्रशासन आणि राज्य उत्पादन शुल्क विभागातील अधिकाऱ्यांची नियुक्‍ती करण्यात आल्याची माहिती विभागीय आयुक्‍त सौरभ राव यांनी दिली. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

राव म्हणाले, कोरोना बाधित रुग्णांना ऑक्‍सिजन उपलब्ध होत नसल्याच्या तक्रारी वाढल्या आहेत. याबाबत ऑक्‍सिजन उत्पादक आणि पुरवठादारांच्या बैठका घेण्यात येत आहेत. राज्य सरकारने सर्व ऑक्‍सिजन उत्पादकांना 80 टक्‍के ऑक्‍सिजन रुग्णालयांना पुरवठा करण्याच्या सूचना दिल्या आहेत.

शेंगदाण्याच्या दरात 'एवढी' घट झालीये कारण...

भविष्यात गरज भासल्यास त्यात आणखी वाढ करण्यात येईल. सर्व ऑक्‍सिजन उत्पादकांच्या प्लॅंटवर उत्पादन आणि पुरवठ्यावर नियंत्रण ठेवण्यासाठी अधिकाऱ्यांची नियुक्‍ती करण्यात आली आहे. ऑक्‍सिजनची कृत्रिम टंचाई आणि उद्योगासाठी जादा वापर होत असल्यामुळे ऑक्‍सिजनचा तुटवडा निर्माण झाला होता. त्यामुळे उत्पादन आणि विक्रीबाबत देखरेख ठेवण्यासाठी उद्योग विभागाचे सहसंचालक यांची तर, काळ्या बाजारात विक्री रोखण्यासाठी अन्न व औषध प्रशासनाचे सहसंचालक यांची नियुक्‍ती करण्यात आली आहे. तर, जिल्हाधिकारी हे नियंत्रक असतील.

...म्हणून अव्यावसायिक अभ्यासक्रमाची परीक्षा ऑफलाइन घेण्याची "सिनेट'कडून होतीये मागणी 

ऑक्‍सिजन उत्पादक कंपन्यांकडून पूर्ण क्षमतेने काम करून घेणे आणि पुरवठा सुरळीत करण्याच्या दृष्टीने प्रयत्न सुरू आहेत. पुणे विभागातील पाच जिल्ह्यांमध्ये एकूण 25 ऑक्‍सिजन उत्पादक कंपन्या आहेत. त्यापैकी पुणे जिल्ह्यात 11 कंपन्या असून, त्यांची क्षमता साडेआठ हजार मेट्रिक टन इतकी आहे. तीन हजार मेट्रिक टन ऑक्‍सिजन उत्पादन करणाऱ्या मोठ्या कंपनीकडूनही ऑक्‍सिजन उपलब्ध होणार आहे, असे राव यांनी सांगितले. 

Edited By - Prashant Patil