वडगाव निंबाळकर : स्वातंत्र्यदिनाच्या दोन दिवस आधी ग्रामपंचायत प्रशासनाचा कालावधी संपला, तेवढ्यात प्रशासक निवडीचा तिढा सुटला. यामुळे विद्यमान सरपंचांचा झेंडावंदनाचा मान हुकला आहे.
बारामती तालुक्यातील होळ, कोऱ्हाळे बुद्रुक, सस्तेवाडी, सदोबाचिवाडी आणि थोपटेवाडी या पाच गावातील ग्रामपंचायतीची मुदत १३ ऑगस्ट रोजी संपली. बरेच दिवस प्रशासक पदाचा चाललेल्या वादावर कोर्टाच्या निर्णयामुळे पडदा पडला.
निर्णयाची त्वरित अंमलबजावणी करत जिल्हा परिषदांनी तातडीने प्रशासक नेमण्याची लगबग सुरू केली. बारामती तालुक्यातील मुदत संपलेल्या होळ येथे कृषि विभागाचे विस्तार अधिकारी एस. बी. तावरे, कोऱ्हाळे व सस्तेवाडीचा कार्यभार विस्तार अधिकारी (पंचायत) डी. डी. खंडाळे यांच्याकडे, सदोबाचीवाडीचा कारभार विस्तार अधिकारी (सांख्यिकी) एस. एस. मारकड यांच्याकडे तर थोपटेवाडीचा कारभार विस्तार अधिकारी (कृषी) सुनील गायकवाड यांच्याकडे प्रशासक पदाचा कारभार सोपवण्यात आला.
नेमणुकीच्या ठिकाणी हजर होत १४ ऑगस्टला सर्वांनी कारभार हाती घेतला. गाव पातळीवर ग्रामपंचायत वरील झेंडावंदनाचा मान प्रतिष्ठेचा समजला जातो. कोरोनाच्या संकटामुळे विद्यमान सदस्य मंडळाला मुदत वाढवून मिळण्याची शक्यता निर्माण झाली होती. प्रशासक पदाचा वाद कोर्टापर्यंत गेल्यामुळे लवकर मिटणार नाही अशा मानसिकतेत पुढारी होते. पण स्वातंत्रदिनाच्या अगोदर प्रशासकाचा तिढा सुटला आणि मुदत संपलेल्या ग्रामपंचायती वरील सरपंचांचा झेंडावंदनाचा मान हुकला. आता गावांचा कारभार प्रशासकांच्या हाती गेला आहे. दरम्यान होळ (ता. बारामती) येथे प्रशासक निवडीच्या निर्णयाचे स्वागत ग्रामस्थांनी फटाके फोडून केले.
(Edited by : Sagar Diliprao Shelar)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.