कात्रज : कात्रज-सातारा रस्त्यांवरील चौगुले इंडस्ट्रिजमधील कामगारांची लढाई गेल्या काही वर्षापासून चालू असून त्यांना आजवर न्याय मिळालेला नाही. त्या अनुषंगाने कामगारांनी कामावरून काढून टाकलेल्या कामगारांना पुन्हा कामावर रुजू करुन घ्यावे या मागणीकरिता कंपनीच्या गेटवर प्रहार जनशक्तीच्या पाठिंब्याने आंदोलन केले. यावेळी कामगारांनी घोषणाही दिल्या.
कामगार प्रतिनिधी मोहन बोऱ्हाडे यांनी कामावरून काढलेल्या सर्व कामगारांना कामावर घेण्यात यावे, अशी मागणी यावेळी केली. कंपनीतील १२० पेक्षा जास्त कामगारांना काढलेले असून कंत्राटी कामगारांकडून सध्या काम करुन घेतले जात आहे.
चौगुले कंपनीच्या व्यवस्थापनाने कामगारांना न्याय न दिल्यास प्रहार जनशक्ती पक्षाच्या वतीने कामगारांकरिता पायी कात्रज ते मंत्रालय आणि चौगुले कंपनीच्या मालकांच्या घरापर्यंत अशी पुणे ते मुंबई पायी वारी करण्यात येईल, आणि कामगारांच्या हक्कांसाठी लढा देण्यात येईल असेही यावेळी कामगार संघटनेकडून सांगण्यात आले.
यावेळी, प्रहार संघटनेचे रूग्णसेवक उमेश महाडीक, नयन पुजारी, नितीन पगार, दिपक मानकर, अमिन आगा, संतोष साठे, शुभम शहा, दत्ता वाघमोडे आदी उपस्थित होते. कामावरून काढून टाकल्याच्या विरोधात कामगारांचा लढा २०११ पासून सनदशीर मार्गाने चालू होता. मात्र, त्यांना न्याय न मिळाल्याने त्यांनी १० ऑक्टोबर २०१९ रोजी आंदोलनाचे हत्यार उपसले होते.
यामध्ये कंपनीने आजतागायत कामावरून काढलेल्या सर्व कामगारांना कामगारांना कामावर घेण्यात यावे. या मागणीसाठी कामगारांनी सतत १६५ दिवस आंदोलन केले होते. परंतु, त्यांना आजही न्याय मिळू शकलेला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.