पळसदेव, ता. ३१ ः पळसदेव (ता. इंदापूर) येथे शोकसभेचे आयोजन करुन उपमुख्यमंत्री दिवंगत अजितदादा पवार यांच्या प्रतिमेस अभिवादन करुन भावपूर्ण श्रद्धांजली वाहण्यात आली. ग्रामपंचायत कार्यालयासमोर आयोजित करण्यात आलेल्या या शोकसभेत गावातील सर्व राजकीय पक्षांचे पदाधिकारी व कार्यकर्त्यांनी उपस्थिती लावली होती.
यावेळी उपस्थितांनी अजित पवार यांच्या प्रतिमेला अभिवादन करुन श्रद्धांजली वाहिली. अजितदादांसारखे नेतृत्व पुन्हा होणे नाही. अजित पवार यांच्या जाण्याने राज्याच्या राजकारणात मोठी पोकळी निर्माण झाल्याची भावना अनेकांनी मनोगतातून व्यक्त केली. तालुक्यातील कार्यकर्त्यांच्या मागणीवरून गावाच्या विकास कामांसाठी तत्काळ निधी उपलब्ध करुन देण्यापासून ते कार्यकर्त्यांना पाठबळ देण्यापर्यंतच्या आठवणी यावेळी सांगितल्या.