पुणे : कोरोनाचा प्रादुर्भाव रोखण्यास लाॅकडाऊनच्या पार्श्वभूमीवर कार्यालयामध्ये पक्षकारांची गर्दी टाळण्यासाठी येथील सह धर्मादाय आयुक्तांकडील सर्व प्रकरणांना जून महिन्यातील तारखा दिल्या आहेत.

बातम्या ऐकण्यासाठी डाऊनलोड करा ई-सकाळचे ऍप

सहआयुक्त दिलीप देशमुख यांनी सर्व पक्षकारांना सरकारी आदेश व वैद्यकीय सूचनांचे पालन करण्याचे आवाहन केले आहे. त्यास अनुसरून उपायुक्त नवनाथ जगताप, सहाय्यक आयुक्त अमरदीप तिडके, राहूल चव्हाण व राणी मुक्कावार-अडगुलवार या सर्वांनी एक निवेदन प्रसिद्ध करून त्यांचेकडील सर्व प्रकरणांची सुनावणी तहकूब करून पुढील तारखा दिल्या आहेत. 

पुणेकरांनी फ्ल्यूची लक्षणं दिसल्यास काय करायचं? ही बातमी वाचा!

या संदर्भात धर्मादाय उपायुक्त नवनाथ जगताप म्हणाले, सरकारने लाॅकडाऊन आदेश मागे घेतल्यावर कार्यालयातील नियमित कामकाज सुरु झाल्यानांतर दोन दिवसांत सर्व प्रकरणे कार्यतालिकेवर घेण्यात येऊन सुनावणीच्या पुढील तारखा देण्यात येतील. या संदर्भात कार्यालयीन पत्रक जारी करण्यात येईल. उच्च न्यायालयाने विहित कालावधीत निकाली काढण्याचे आदेश केलेली प्रकरणे नियमित कामकाज सुरु झाल्यावर प्राधान्याने सुनावणीस घेण्यात येतील. 

पुण्याच्या आणखी बातम्या वाचण्यासाठी येथे ► क्लिक करा

कोरोनाच्या पार्श्वभूमीवर पक्षकारांमध्ये एप्रिल व मे महिन्यात नेमलेल्या सुनावणीच्या तारखांबाबत अस्वस्थता होती. धर्मादाय कार्यालयातील अधिकाऱ्यांनी समयसूचकता दाखवून परिस्थितीजन्य योग्य निर्णय घेतला असल्याने पक्षकारांना मोठा दिलासा मिळाला असल्याची प्रतिक्रिया पब्लिक ट्रस्ट प्रॅक्टिशनर्स असोसिएशनचे विश्वस्त ॲड. शिवराज कदम जहागिरदार यांनी व्यक्त केली.