Manchar Latest Update: हुतात्मा बाबू गेनू जलाशय (डिंभे धरण) पाण्याने तुडुंब भरले आहे. रविवारी (ता.४) सकाळी साडेअकरा वाजता ९३.४७ टक्के धरण भरले आहे. धरणाचे पाचही दरवाजे उघडण्यात आले असून १५ हजार क्युसेस क्षमतेने पाणी घोड नदीत सोडण्यात आले आहे.
घोड नदी काठावरील शेतकऱ्यांनी सतर्क राहून काळजी घ्यावी. असे आवाहन डिंभे धरणाचे कार्यकारी अभियंता प्रशांत कडुसकर यांनी केले आहे.
“गेली आठवडाभर डिंभे धरण पाणलोट क्षेत्रामध्ये पावसाचा जोर कायम आहे. डिंभे धरण परिसरात आतापर्यंत एकूण ७२६ मिलिमीटर पाऊस पडला आहे.अद्याप धरणातून उजव्या व डाव्या कालव्यात पाणी सोडले नाही.परंतु डोंगरी परिसरातील पाणी उजव्या व डाव्या कालव्यात मोठ्या प्रमाणात जात आहे. त्यामुळे कालवा परिसरातीलही नागरिकांनी काळजी घ्यावी.
घोड नदीवर डिंभे धरणापासून शिरूर पर्यंत २५ कोल्हापूर पद्धतींचे बंधारे आहेत. डिंभे धरणाचे उपअभियंता दत्ता कोकणे यांच्यासह अधिकारी व कर्मचारी वर्ग धरणातील वाढत्या पाण्याच्या पातळीवर लक्ष ठेऊन आहेत. घोड नदीच्या काठावर तसेच कालव्याच्या काठावर लहान मुले, वृद्ध लोक जाणार नाहीत, याची काळजी घ्यावी.” असे आवाहन पाटबंधारे विभागाने केले आहे.
“डिंभे धरणातून रविवारी (ता.४) सकाळी नऊ वाजता नऊ हजार क्युसेस, सकाळी साडेदहा वाजता बारा हजार क्युसेस व साडेअकरा वाजता १५ हजार क्युसेसने पाणी सोडले आहे. पावसाचा जोर कायम राहिल्यास अजूनही धरणाच्या सांडव्यावरून पाणी घोड नदीत सोडण्याची क्षमता वाढण्याची शक्यता आहे.”
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.