पुणे : कोकणातील हापूस आंब्याची गुढीपाडव्याला खरेदी करण्याची संधी हुकली का?... मग, आता अक्षय तृतीयेचा मुहूर्त मुळीच चुकवू नका. ‘मॅप’च्या कोकण आंबा महोत्सवांतर्गत खास सवलतीच्या दरात आंब्याची ऑर्डर नोंदवा आणि निश्चिंत रहा...कोरोनाविषयक सुरक्षा नियम पाळून कोकणातील अस्सल, सुमधुर आणि खात्रीशीर आंबे अक्षयतृतीयेच्या अगोदर तुमच्या दारापर्यंत पोहच केले जातील.

‘मॅप’च्या कोकण महोत्सवाच्या पुढाकाराने, गुढीपाडव्यापासून खास ग्राहकांसाठी कोकण आंबा महोत्सव भरविण्यात आला आहे. त्याअंतर्गत, आत्तापर्यंत असंख्य ग्राहकांनी सवलतीच्या दरातील दर्जेदार आंबे खरेदी केले आहेत. त्यांची गुणवत्ता, तत्पर घरसेवा आणि कोविड सुरक्षा विषयक पॅकिंगबद्दल ग्राहकांनी पसंतीची मोहोर यापूर्वीच उमटविली आहे. या महोत्सवामुळे मॅप आणि ग्राहकांमधील अतूट विश्वासाचे नातेच जणू तयार झाले आहे.

गुढीपाड्व्याप्रमाणेच अक्षय तृतीयेचा सण देखील साडेतीन शुभमुहूर्तामध्ये येतो. यंदा अक्षय तृतीया शुक्रवारी (ता. 14) आली आहे. अक्षय तृतीयेला सोन्याच्या दागदागिन्यांबरोबरच आंब्यांचीही खरेदी हमखास केली जाते. सध्या कोरोनामुळे सर्वत्र टाळेबंदी लागली आहे. त्यामुळे, सोनेखरेदी करणे शक्य होणार नाही. मात्र, अक्षयतृतीयेला सुमधूर, चविष्ट आमरसाचा आस्वाद घ्यायचा असेल तर सकाळ ‘मॅप’च्या आंबा महोत्सवाचा जरूर लाभ घ्या.

अशी नोंदवा ऑर्डर

तुम्हाला हवा तेवढा अस्सल आणि खात्रीशीर हापूस आंबा माफक किंमतीत आणि तोही घरपोच हवा असेल तर अक्षयतृतीयेची संधी हुकवू नका. त्वरा करा.. आमच्या www.mahamap.com या वेबसाईटवर लॉगईन करून किंवा ७७७४०२०७७७ या क्रमांकावर कॉल करून आपली ऑर्डर बुक करा. ही सेवा फक्त पुणे, पिंपरी चिंचवड, मुंबई, ठाणे, औरंगाबाद, नगर व नाशिक या शहरांपुरतीच उपलब्ध आहे.