शिक्रापूर : शिक्रापूरकरांच्या वैद्यकीय सेवेसाठी ग्रामपंचायतीचे वतीने पहिली स्वनिधीतील अ‍ॅंब्यूलन्स आज शिक्रापूरकरांच्या सेवेसाठी दाखल झाली. माजी उपसरपंच सागर सायकर यांच्या हस्ते अ‍ॅंब्यूलन्स लोकार्पण आज करण्यात झाले.

- ताज्या बातम्यांसाठी डाऊनलोड करा ई-सकाळचे ऍप

कोवीड काळात स्थानिक पातळीवर रुग्ण वाहतूक करण्यासाठी अ‍ॅंब्यूलन्स घ्यावी म्हणून शिक्रापूर ग्रामपंचायतीच्या सरपंच हेमलता राऊत यांच्या अध्यक्षतेखालील ग्रामपंचायत बैठकीत निर्णय घेवून तसा निर्णय जिल्हा परिषदेला कळविण्यात आला होता. त्यानुसार १४ लाख २२ हजार रुपयांचा १४व्या वित्त आयोगाचा निधी काही दिवसांपूर्वी जिल्हा परिषदेला वर्ग करुन सदर अ‍ॅंब्यूलन्स नुकतीच ग्रामपंचायतीकडे वर्ग करुन ती ग्रामपंचायतीकडे हस्तांतरीत करण्यात आल्याची माहिती सरपंच हेमलता राऊत यांनी दिली.

आता लॉयब्ररी देखील ऑनलाईन; विद्यार्थ्यांनो घरबसल्या करा अभ्यास

त्यानुसार सदर अ‍ॅंब्यूलन्सचे हस्तांतरण आणि लोकार्पण आज (ता. १) सकाळीच माजी उपसरपंच सागर सायकर यांच्या हस्ते करण्यात आले. यावेळी माजी सरपंच रामभाऊ सासवडे, नवनाथ सासवडे, दत्ता राऊत आनंदराव हजारे, दत्ता गिलबीले, दिलीप कोठावळे, राजेंद्र करंजे, विजय लोखंडे आदी उपस्थित होते.

- ताज्या बातम्यांसाठी डाऊनलोड करा ई-सकाळचे ऍप

दरम्यान, अ‍ॅंब्यूलन्ससाठी शिक्रापूर ग्रामपंचायतीकडून १४ लाख २२ हजार रुपये जिल्हा परिषदेकडे वर्ग करण्यात आल्याची माहिती ग्रामविकास अधिकारी व्ही. व्ही. गोरे यांनी दिली व त्यानुसार अ‍ॅंब्यूलन्स शिक्रापूरकरांच्या सेवेत दाखल होत असल्याचेही त्यांनी यावेळी सांगितले. 

(संपादन : सागर दिलीपराव शेलार)