पुणे - कोरोनाच्या (Corona) काळात रुग्ण (Patient) आणि त्यांच्या नातेवाईकांची होणारी आर्थिक पिळवणूक (Financial Extortion) दूर करण्यासाठी प्रादेशिक परिवहन प्राधिकरणाने (आरटीए) (RTA) रुग्‍णवाहिकांचे दर (Ambulance Rate) निश्चित केले आहेत. खासगी रुग्णवाहिकांनाही हे दर लागू होणार असून त्यांची अंमलबजावणी मंगळवारपासून (ता. २५) होतील. (Ambulance rates finally fixed in Pune)

रुग्णवाहिकांसाठी अवाजवी पैसे आकारले जातात, अशा तक्रारी नागरिकांकडून प्रादेशिक परिवहन प्राधिकरणाकडे आल्या होत्या. त्याची दखल घेऊन ‘आरटीए’ने रुग्णवाहिकंचे दर निश्चित केले आहेत. प्रत्येक फेरीनंतर रुग्णवाहिकेचे निर्जंतुकीकरण करायचे, रुग्णवाहिकेला जीपीएस असेल, प्रत्येक रुग्णवाहिकेत दर तक्ता असेल, अशा अटी घालण्यात आल्या आहेत. तसेच सर्व रुग्णवाहिका वातानुकूल (एसी) असतील, असे गृहित धरून ‘आरटीए’ने दर निश्चित केले आहेत.

जिल्हा प्रशासनाने अधिग्रहीत केलेल्या खासगी रुग्णवाहिकांचे संचलन शासकीय रुग्णालय आणि स्थानिक स्वराज्य संस्थांमार्फत होईल. त्यांचा इंधन, देखभाल दुरुस्तीचा खर्च महापालिकेकडून करण्यात येईल. रुग्णवाहिका २४ तास किंवा त्याहून अधिक वेळ हवी असल्यास इंधन, देखभा- दुरुस्तीच्या आणि चालकाचे वेतन, सोडून २४ तासांचे दर निश्चित करण्यात आले आहेत. पुणे शहर, पिंपरी चिंचवड आणि बारामती आरटीओच्या कार्यक्षेत्रात या दरांची अंमलबजावणी होईल, असे आरटीएचे सदस्य सचिव आणि प्रादेशिक परिवहन अधिकारी अजित शिंदे यांनी स्पष्ट केले.

रुग्णवाहिकांचे सुधारित दर

रुग्णवाहिकेचा प्रकार ----२४ कि.मी. अथवा दोन तास------दर प्रती कि. मी. ------प्रती तास प्रतिक्षा शुल्क-----२४ तास किंवा अधिक वेळ

- मारुती ---------------------६०० रु. ----------------------१२ रु------------------१०० रु. --------------------८०० रु.

- टाटा सुमो, मॅटोडोर तत्सम-----७०० रु. --------------------१३ रु.------------------१२५ रु.-------------------१२०० रु.

- मोठ्या रुग्णवाहिका ----------९५० रु. --------------------१४ रु.------------------१५० रु. ------------------१६०० रु.