पुणे : निती आयोगाचे मुख्य कार्यकारी अधिकारी अमिताभ कांत यांनी मंगळवारी, ''भारतात लोकशाहीचे जास्तच कौतुक करतात त्यामुळे कडक आर्थिक सुधारणा लागू करणे अवघड जाते,'' असे मत मंगळवारी व्यक्त केले. कांत यांच्या विधानाचा निषेध व्यक्त करत राष्ट्रवादी काँग्रेसच्या खासदार सुप्रिया सुळे यांनी, 'जगातील सर्वात मोठ्या लोकशाही व्यवस्थेत हे अतिशय बेजबाबदार विधान आहे.'' अशा शब्दात ट्विट करत संतप्त प्रतिक्रिया व्यक्त केली.

कांत यांच्या वक्तव्यावर सुप्रिया सुळे संतापल्या
''भारतात लोकशाहीचे कौतुक जास्त होतंय, हे वरीष्ठ पातळीवरील प्रशासकीय अधिकाऱ्याचे विधान धक्कादायक आहे. जगातील सर्वात मोठ्या लोकशाही व्यवस्थेत हे अतिशय बेजबाबदार विधान आहे. त्याचा तीव्र निषेध. भारतातील लोकशाही व्यवस्थेचा आम्हाला सार्थ अभिमान आहे.'' अशा शब्दात संताप व्यक्त करत सुप्रिया सुळे कांत यांच्या विधानाचा तीव्र निषेध व्यक्त केला आहे.

- पुण्याच्या बातम्या वाचण्यासाठी येथे ► क्लिक करा

काय म्हणाले अमिताभ कांत?
''भारतात लोकशाहीचे फारच कौतुक केले जाते. त्यामुळे आणखी कठोर आर्थिक सुधारणा करणे अवघड जाते.'' असे मत कांत यांनी प्रथमच ‘स्वराज्य’ नियतकालिकाने आयोजित केलेल्या कार्यक्रमात व्यक्त केले. ''केंद्र सरकार सर्वच क्षेत्रांत कठोर सुधारणा करीत आहे. खाणकाम कोळसा, कामगार, कृषीसह जवळपास सर्व क्षेत्रांमध्ये सुधारणा केली जात आहेत, परंतु त्यांची अमंलबजावणी करणे कठीण जात आहे, असेही ते यावेळी म्हणाले.

''देशाला स्पर्धात्मक करताना अजुन सुधारणा होणे गरजेच आहे. पण भारतात अतिलोकशाहीमुळे हे कठोर सुधाराणा लागू करणे खूप अवघड जात आहे. अशा सुधारणा करण्यासाठी राजकीय इच्छाशक्तींची नितांत गरज असते आणि ती सरकारने दाखवली आहे.'' असे मत व्यक्त करत त्यांनी सरकारची वाह वाह देखील यावेळी केली.

- मोठी बातमी: शिक्षण सेवक भरतीला राज्य सरकारचा हिरवा कंदील; 6 हजार जागांसाठी होणार भरती​