पुणे : आज पंतप्रधान नरेंद्रजी मोदी यांची पुण्या स. प. महाविद्यालयाच्या मैदानात सभा असल्याने इतरांना फ्लाईंग परमिशन नाकारण्यात आली होती. त्यामुळे राष्ट्रवादी काँग्रेसचे नेते आणि खासदार अमोल कोल्हे यांना त्यांच्या नियोजित चार सभा रद्द कराव्या लागल्या आहेत. त्यामुळे त्यांनी सोशल मीडियावर नाराजी व्यक्त करत जनतेची माफी मागीतली आहे.

अमोल कोल्हे यांनी म्हटले आहे की, मोदींची सभा असल्याने मला फ्लाईंग परमिशन नाकारण्यात आली असल्याने मला एरंडोलमध्येच अडकून पडावे लागले आणि चोपडा, पाईट (खेड आळंदी), भोसरी, पिंपरी, चिंचवड सर्व सभा रद्द कराव्या लागल्या आहेत.
 

देशाचे पंतप्रधान पक्षाच्या प्रचारासाठी येत असतील तर सुरक्षेच्या कारणास्तव इतरांच्या प्रचाराचा खेळखंडोबा करणं योग्य आहे? असा सवाल त्यांनी यावेळी उपस्थित केला आहे. सोशल मीडियावर याबाबत त्यांनी एक व्हिडिओ शेअर केला आहे.