पुणे : राष्ट्रवादी कॉंग्रेसचे नगरसेवक दीपक मानकर, साधना वर्तक व उमेश कोठावदे यांच्या विरुद्ध जमिनीची बनावट कागदपत्रे बनवुन फसवणुक केल्याप्रकरणी विश्रांतवाडी पोलीस ठाण्यात गुन्हा दाखल करण्यात आला आहे. आदिती माधव दिक्षीत यांनी विश्रांतवाड़ी पोलीस ठाण्यात फिर्याद दिली आहे.

मानकर विरुद्ध यापूर्वी कोथरुड, डेक्कन पोलीस ठाण्यात गुन्हा दाखल आहे. तसेच जितेंद्र जगताप यांना आत्महत्या करण्यास प्रवृत्त केल्याप्रकरणी त्यांच्यावर समर्थ पोलीस ठाण्यात गुन्हा दाखल झाला होता. त्यावरुन मानकर विरुद्ध महाराष्ट्र संघटित गुन्हेगारी कायदा (मोका) अंतर्गत कारवाई करण्यात आली होती. त्यानंतर कोथरुड पोलीस ठाणे, त्यानंतर हडपसर पोलीस ठाण्यात खंडणी मागितल्या प्रकरणी मानकर व त्यांच्या साथीदाराविरुद्ध गुन्हा दाखल झाला होता. आता त्यामध्ये आणखी एका गुन्हाची भर पडली आहे.