वेल्हे (पुणे) : वेल्हे तालुक्यात पुन्हा कोरोनाचा शिरकाव झाला असून, तालुक्यातील वडगाव झांजे परिसरातील एक व्यक्ती कोरोना पॉझिटिव्ह आढळला आहे. त्यामुळे या परिसरातील तीन किलोमीटरमधील नऊ गावे कन्टेन्टमेंट झोन जाहीर केला असून, पाच किलोमीटर परिसर बफर झोन जाहीर केला आहे. या व्यक्तीच्या संपर्कातील सात जणांना तपासणीसाठी पाठविले आहे.

पुण्यात सोशल मीडियावर चंद्रकांत पाटील पुन्हा टार्गेट

कोरोनाबाधित ३८ वर्षीय व्यक्ती हा पुणे येथे कामानिमित्त राहत होता, परंतु दीड महिन्यापूर्वी तो गावाकडे घरीच होता. काही दिवसांपूर्वी ताप आल्याने पुणे येथील खासगी रुग्णालयात उपचारासाठी दाखल करण्यात आले होते. या वेळी कोरोनाची लक्षणे आढळली असता तपासनी करण्यात आली. यामध्ये दोन टेस्ट निगेटिव्ह आल्या होत्या, परंतु तिसरी टेस्ट पॉझिटीव्ह आली. आज (ता. ९) तपासणी अहवाल आल्याने त्यांना कोरोनाची लागण झाल्याचे स्पष्ट झाले. 

पुण्याच्या इतर बातम्या वाचण्यासाठी येथे क्लिक करा

भोरचे उपविभागीय अधिकारी राजेंद्र जाधव, तहसीलदार शिवाजी शिंदे, सहायक पोलिस निरीक्षक विनायक देवकर, गटविकास अधिकारी विशाल शिंदे, तालुका वैद्यकीय अधिकारी सुदर्शन मालाजोरे यांनी वडगाव झांजे गावात भेट देवुन हा परिसर सील केला आहे.

दरम्यान, वेल्हे तालुक्यामध्ये तीन मेपर्यंत नऊ रुग्ण  आढळले होते. यामध्ये एक जणाचा मृत्यु झाला असून, आठ जणांनी कोरोनावर मात केली आहे.