पुणे : अंधश्रद्धा निर्मूलन समितीचे कार्याध्यक्ष डॉ. नरेंद्र दाभोलकर हत्या प्रकरणातील आरोपी अॅड. संजीव पुनाळेकर यांनी या गुन्ह्यातून वगळण्यासाठी मंगळवारी न्यायालयात अर्ज केला आहे. 

जामिया हिंसाचार : पुण्यात जिल्हाधिकारी कार्यालयासमोर बहुसंख्य विद्यार्थ्यांचे आंदोलन

या प्रकरणात अॅड. पूनालेकर यांना काही दिवसांपूर्वी जामीन मिळाला आहे. तर त्यांच्यासोबत अटक करण्यात आलेले विक्रम भावे सध्या न्यायालयीन कोठडीत आहे. भावे यांनी जामीन मिळावा यासाठी अर्ज केला आहे. सीबीआयचे विशेष सरकारी वकील प्रकाश सूर्यवंशी यांनी दोन्ही अर्जांना विरोध केला आहे. 

पिंपरीत टेम्पोला धडकून दुचाकीस्वाराचा मृत्यू 

अॅड. पुनाळेकर यांनी हत्येतील आरोपीना पिस्तूल फेकून देण्याचा सल्ला दिला होता. तर भावे यांना यापूर्वी शिक्षा झाली असून या प्रकरणात देखील त्यांचा सहभाग प्रथमदर्शनी दिसून येतो. अजूनही गुन्ह्याचा तपास सुरू आहे. त्यामुळे दोघांचेही अर्ज फेटाळण्यात यावे, असा युक्तिवाद अॅड. सूर्यवंशी यांनी केला. प्रकरणाची पुढील सुनावणी दोन जानेवारी रोजी होणार आहे. 

पुणे : पोलिसांनी दरवाजा उघडला तर, ते दोघेही रक्ताच्या थारोळ्यात