पिंपरी : महिलेचा विनयभंग करीत कोयत्याने वार केल्याप्रकरणी वाकड पोलिस ठाण्यात तिघांवर गुन्हा दाखल झाला आहे. ही घटना थेरगाव येथे घडली.
याप्रकरणी 30 वर्षीय महिलेने फिर्याद दिली आहे.
त्यानुसार स्वप्नील शिंदे, निलेश तायडे यासह आणखी एका अनोळखी व्यक्तीवर गुन्हा दाखल झाला आहे. बुधवारी (ता. 5) रात्री साडेआठच्या सुमारास थेरगाव गावठाण येथून फिर्यादी महिला रस्त्याने पायी जात असताना आरोपी स्वप्नील शिंदे याने महिलेचा हात पकडून त्यांच्याशी अश्लील वर्तन केले. त्यानंतर फिर्यादी महिला त्यांचे पती व मुलासह दीराच्या घरी गेले असता आरोपी शिंदे हा फिर्यादीच्या दीराच्या घरी गेला. दीराला घराबाहेर बोलावून मारहाण केली. त्यावेळी फिर्यादी व त्यांचे पती मध्ये गेले असता शिंदे याने फिर्यादीच्या हातावर कोयत्याने वार केला. तर आरोपी निलेश तायडे याने फिर्यादीच्या दीराच्या पाठीत कोयता मारला.
यामध्ये दोघेही जखमी झाले. तर अनोळखी आरोपीने फिर्यादीच्या पतीस हाताने व लाथाबुक्क्यांनी मारहाण केली. वाकड पोलिस अधिक तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.