मंचर : श्रीक्षेत्र वडगाव काशिंबेग (ता. आंबेगाव) येथे हे घोड नदीच्या पात्रात वाळूची शूटिंग करण्यासाठी गेलेल्या दोन पत्रकारांवर वाळू माफियांच्या टोळीने खुनी हल्ला केल्याची घटना रविवारी रात्री साडेसहा ते सातच्या दरम्यान घडली आहे. प्रफुल्ल मोरे व संतोष सावंत अशी गंभीर जखमी झालेल्या पत्रकारांची नावे असून त्यांच्यावर मंचर उपजिल्हा रुग्णालयात उपचार सुरू आहेत.
दरम्यान, दोघांच्याही पाठीवर मारहाणीचे वळ आहेत. या वाळू माफियांनी त्यांना लाथाबुक्या लोखंडी गज व काट्याने मारहाण केली असून, सात ते आठ जण तिथे होते, अशी माहिती समोर आली आहे. दोघांचे कपडे रक्ताने माखलेले असून सावंत यांच्या डाव्या पायला गंभीर जखम झाली आहे.
खेड विभागाचे उपविभागीय पोलिस अधिकारी गजानन टोम्पे यांनी दोन पोलिस पथद्वारे आरोपींचा शोध घेण्याचे काम सुरू केले असून दोन वाळू माफियांना पोलिसांनी गजाआड केले आहे.आंबेगाव जुन्नर विभागाच्या प्रांत अधिकारी रमा जोशी पोलीस निरीक्षक कृष्णदेव खराडे यांनी उपजिल्हा रुग्णालयात जाऊन द पत्रकारांची भेट घेतली. जोशी व पोलीस पथक घटनास्थळी गेले आहे.
याप्रकरणी गुन्हा दाखल करण्याचे काम उशिरापर्यंत सुरू होते. आंबेगाव तालुका पत्रकार संघाने या हल्ल्याचा तीव्र शब्दात निषेध केला आहे. सोमवारी सकाळी साडेदहा वाजता आंबेगाव, खेड जुन्नर तालुक्यातील सर्व पत्रकार संघटनांचे प्रतिनिधी ची बैठक मंचरला होणार आहे. तेथेच आंदोलनाची पुढील दिशा ठरवली जाईल असे आंबेगाव तालुका पत्रकार संघाकडून सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.