औंध : केंद्र सरकारने पेट्रोल,डिझेल,घरगुती गॅसच्या केलेल्या दरवाढीच्या मुद्द्यावरून पुणे शहर जिल्हा व पुणे शहर युवक काँग्रेस कमिटीच्या वतीने औंधरस्ता येथील डॉ.बाबासाहेब आंबेडकर चौकात केंद्र सरकारच्या विरोधात धरणे आंदोलन करण्यात आले. वाढत्या महागाईमुळे सामान्य नागरीकांना जगणे अवघड झाल्याने केंद्र सरकारच्या विरोधात घोषणा देत सरकारचा निषेध करण्यात आला.

यावेळी पुणे शहराचे नेते व माजी आमदार मोहन जोशी,माजी आमदार दिप्ती चौधरी, माजी नगरसेवक कैलासदादा गायकवाड, अदिती गायकवाड कडू - पाटील,स्नेहल बांगर, ॲड.नंदलाल धिवार,सुंदर ओव्हाळ, ॲड. विठ्ठल आरुडे, शोभा आरुडे, राजेंद्र भुतडा, विशाल जाधव,रमा भोसले, ज्योती परदेशी , मीना गायकवाड, सारिका भिंगारे, साजिद शेख इत्यादी आंदोलनात सहभागी होते.