पुणे : बालेवाडी येथून बेपत्ता झालेल्या नागरीकाचा परभणी जिल्ह्यातील मानवत तालुक्‍यातील नागरजवळा गावात खून करण्यात आला.म्हशी खरेदी करण्याच्या बहाण्याने बोलावून नागरीकाचा खून केला. याप्रकरणी परभणी पोलिसांनी चतुःश्रृंगी पोलिसांच्या मदतीने मुख्य सूत्रधारासह तिघांना अटक केली.

ताज्या बातम्यांसाठी डाऊनलोड करा ई-सकाळचे ऍप 

रोहिदास दशरथ बालवडकर (वय 55, रा. बालेवाडी) असे खून झालेल्या व्यक्तीचे नाव आहे. विठ्ठल ज्ञानोबा काळे (वय 33, रा.बालेवाडी, मुळ रा. थार वांगी, मानवत, परभणी), नारायण गुंडोबा राठोड (वय 40, रा. सारंगपुर, मानवत, परभणी) व ज्ञानोबा गंगाधर चिंतामणी (वय 40 सारंगपुर, मानवत, परभणी) असे परभणी पोलिसांनी अटक केलेल्या तिघांची नावे आहेत. काळे व राठोड या दोघांना परभणी पोलिसांनी चतुःश्रृंगी पोलिसांच्या मदतीने अटक केली.

आणखी वाचा - पुणे पोलिसांच्या कामाची राष्ट्रीय पातळीवर दखल 

पुण्याच्या बातम्या वाचण्यासाठी येथे ► क्लिक करा 

बालवडकर हे काही दिवसांपूर्वी बेपत्ता झाले होते. त्याबाबत त्यांच्या नातेवाईकांनी चतुःश्रृंगी पोलिस ठाण्यात गुन्हा दाखल केला होता. पोलिसांनी दिलेल्या माहितीनुसार, या प्रकरणाचा मुख्य सुत्रधार काळे हा बालवडकर यांच्या चाळीमध्ये भाड्याने खोली घेऊन राहाता होता. काळे यास बालवडकर हे त्याच्या पत्नीला त्रास देत असल्याचा संशय होता. काळे हा त्याच्या नातेवाईकाच्या अंत्यसंस्कारासाठी गावी गेला होता. तर बालवडकर हे गुजरातला म्हशी खरेदी करण्याचे कारण सांगून घरातून बाहेर पडले होते. परंतु, ते गुजरातला न जाता परभणीला गेले होते. बालवडकर यांनी काळे यास आपण त्याच्या गावाजवळ आल्याचे सांगितले. तेव्हा काळे याने बालवडकर यांना त्याच्या साथीदारांच्या मदतीने नागरजवळा गावातील तलावाजवळ नेले. तेथे त्यांचा गळा कापून खून केला. त्यानंतर काळे व राठोड पुण्याला आला. दरम्यान, स्थानिक पोलिस पाटलांनी याबाबत मानवत पोलिसांना मृतदेहाबाबत माहिती दिली. दरम्यान, मानवत पोलिसांनी मृतदेहाचा फोटो व त्याच्याकडील साहित्याबाबतची माहिती सर्व पोलिस ठाण्यांना माहिती पाठविली. चतुःश्रृंगी पोलिसांकडे नोंद असलेली बेपत्ता व्यक्ती बालवडकर असल्याचे समजल्यानंतर पोलिसांनी तांत्रिक तपास केला. त्यानुसार काळे व त्याच्या साथीदारांना पकडण्यात आले.