पुणे - पुण्यातल्या डॉ. सतीश चव्हाण यांचा चार वर्षांचा मुलगा स्वर्णव अखेर आठ दिवसांनी सापडला आहे. ११ जानेवारीला त्याचं बालेवाडीतून अपहरण झालं होतं. पुणे पोलिसांची मोठी फौज मुलांला शोधत होती. त्याच्या शोधावेळी अत्यंत गुप्तता पाळून हा तपास सुरू होता. जवळपास ३०० ते ३५० च्या वर पोलीस कर्मचारी व अधिकारी या मुलाचा शोध घेत होते. अखेर आज वाकड जवळील पुनावळे येथे पोलिसांना त्याला शोधण्यात यश आले.(Swarnav Kidnapping Case: Rescued from punawale)

स्वर्णवच्या अपहरणानंतर याबाबत चतुश्रृंगी पोलिसात तक्रार दाखल करण्यात आली होती. आता स्वर्णव सापडल्यानंतर पालकांसह सर्वांनीच सुटकेचा निश्वास टाकला आहे. दरम्यान, त्याचे कशासाठी अपहरण केलं, कारण काय याचा पोलिस शोध घेत आहेत. गेले आठ दिवस पोलीस सोशल मीडियावर अनेक ठिकाणी फोटो पाठवून तपास सुरू होता. अखेर मुलाला आठ दिवसांनंतर शोधण्यात यश आले आहे. कोणी अपहरण केलं का केलं हे मात्र अजून कळू शकते नाही,त्याचा तपास पुणे पोलीस करत आहेत.

बाणेर येथील हाय स्ट्रीट रस्त्यावरील इंदू पार्क सोसायटीजवळील उद्यानाजवळून मंगळवारी (ता.11) सकाळी सव्वा दहा वाजण्याच्या सुमारास स्वर्णव ऊर्फ डुग्गु सतीश चव्हाण (वय 4 वर्षे ) यास एक मुलगा "डे केअर'ला सोडविण्यासाठी पायी घेऊन जात होता. त्यावेळी आलेल्या एका व्यक्तीने मोठ्या मुलाच्या हाताला झटका देऊन स्वर्णवला गाडीवरुन उचलून नेत त्याचे अपहरण केले होते. हा प्रकार बालेवाडी पोलिस चौकीपासून अगदी हाकेच्या अंतरावर घडला. याप्रकरणी मुलाच्या आई-वडीलांनी चतुःशृंगी पोलिस ठाण्यात फिर्याद दिली होती.