crime Sakal Media
पुणे

बारामती ते सासवड फिल्मी स्टाईलने पोलिसांकडून ट्रकचा पाठलाग

एखादया चित्रपटात शोभावा असाच थरार...

मिलिंद संगई, बारामती.

बारामती : तालुक्यातील तांदुळवाडी येथून चोरुन नेलेल्या ट्रकचा थरारक पाठलाग करत सासवडनजिक हा ट्रक ताब्यात घेण्यात पोलिसांना यश आले. एखादया चित्रपटात शोभावा असाच हा सगळा थरार होता. तांदुळवाडी येथील अमोल गुरव यांनी रात्री दहाच्या सुमारास ट्रक क्रमांक एमएच 42-3600 हा चोरीला गेल्याची खबर तालुका पोलिसांना दिली. जीपीएसमुळे हा ट्रक मेडद येथे असल्याचे त्यांनी पोलिसांना सांगितल्यानंतर पोलिस निरिक्षक महेश ढवाण यांनी तातडीने पोलिस कर्मचारी विजय वाघमोडे, नंदू जाधव व शशिकांत दळवी यांना या ट्रकचा पाठलाग करण्याच्या सूचना दिल्या.

पोलिस पाठलाग करत आहेत म्हटल्यावर ट्रकचालकाने वेगाने ट्रक चालविण्यास प्रारंभ केला. पोलिस जीप चालक अनिकेत शेळके यांनी आपले कौशल्य दाखवून ट्रकचा पाठलाग केला. मोरगाव येथे एक पिकअप रस्त्यावर आडवा लावून नाकाबंदी गोरख पवार या पोलिसाने केली होती. मात्र ट्रकचालकाने फिल्मी स्टाईलने हा पिकअप उडवून जेजुरीच्या दिशेने प्रयाण केले. पिकअप उडवून पोलिसांच्या अंगावर ट्रक घालून जेजुरीच्या दिशेने निघाल्यानंतर महेश ढवाण यांनी जेजुरीचे अधिकारी महाडीक यांना फोनवरुन जेजुरीमध्ये नाकाबंदी लावायला सांगितली. जेजुरीच्या चौकात एक कंटेनर या ट्रकला थांबविण्यासाठी आडवा लावला गेला. मात्र कंटेनरच्या शेजारी असलेल्या मोकळया जागेत हा ट्रक घुसवून एका दुकानात घुसून ट्रकचालकाने हा ट्रक सासवडच्या दिशेने नेला. घटनेचे गांभीर्य ओळखून महेश ढवाण यांनी पोलिस अधीक्षक डॉ. अभिनव देशमुख, अतिरिक्त पोलिस अधीक्षक मिलिंद मोहिते यांना माहिती दिली. ट्रकचालकाने ट्रक थांबवलाच नाही तर शेवटचा पर्याय म्हणून ट्रकच्या टायरवर गोळी मारुन ट्रक थांबविण्याचा पोलिस विचार करत होते.

मात्र सासवडच्या अलिकडेच ट्रकचा वेग कमी होताच धाडसी पोलिस कर्मचारी विजय वाघमोडे डाव्या बाजूने केबिनमध्ये घुसले, पोलिस केबिनमध्ये आलेला पाहून घाबरुन ट्रकचालकाने ट्रकबाहेर उडी मारली व पळून जाण्याचा प्रयत्न केला. मात्र पोलिसांनी स्थानिकांच्या मदतीने त्याला जेरबंद केले. ट्रक रस्त्याच्या कडेला जाऊन थांबला. बाळासाहेब नाझरकर (सध्या रा. तांदुळवाडी, बारामती, मूळ रा. अंबड, जि. जालना) असे या आरोपीचे नाव आहे. याच्यावर खूनाचा प्रयत्न केल्यासह चोरीचा गुन्हा दाखल करण्यात आला आहे. लॉक़डाऊनमुळे रस्त्यावर गर्दी नव्हती त्या मुळे कोणतीही जीवीत किंवा इतर हानी झाली नाही.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Shrikant Shinde: महायुती टिकवायची की नाही हे त्यांनी ठरवावं, श्रीकांत शिंदे यांचा भाजपा प्रदेशाध्यक्षांना टोला

Pune Murder Case : प्रेमसंबंधातून तरुणीची हत्या, स्वत:ही संपवलं जीवन; बीडच्या तरुणाचं पुण्यात धक्कादायक पाऊल

IND vs SA, 1st ODI: विराटचे धोनीच्या रांचीत वादळी शतक; रोहित-केएल राहुलचीही फिफ्टी, भारताचे द. आफ्रिकेसमोर मोठं लक्ष्य

Accident News: भीषण अपघात! भरधाव ट्रकची सहा वाहनांना धडक; ५ जणांचा जागीच मृत्यू, अनेक लोक गंभीर जखमी

शेतपिकांचं उत्पादन वाढलं अन् खर्चही घटला; AIच्या मदतीने हे कसं शक्य झालं? प्रतापराव पवार यांनी सांगितला फॉर्म्युला...

SCROLL FOR NEXT