पिंपळवंडी : जुन्नर तालुक्यात सुरु असलेल्या मुसळधार पावसामुळे  वातावरणात एक बदल घडून आला आहे. छत्रपती शिवाजी महाराजांचा जन्म ज्या शिवनेरी किल्ल्यावर झाला त्या किल्ल्यावर रविवारी( ता.६) संध्याकाळी आकाशात दाटलेल्या भगव्या रंगाने एक साज चढवला. त्याच प्रमाणे आकाशात उडणारे पक्षी व आकाशाचा हा भगवा रंग मन आनंदीत करणारा होता.

पुण्यात रुग्ण फिरला तीन तास अन् उपचार पिंपरीत 

तालुक्यातील बऱ्याच ठिकाणी सायंकाळी आकाश भगव्या व गुलाबी रंगाने रंगुन निघाले होते. यामुळे शिवनेरी किल्ल्याला एक वेगळीच झळाळी आली. किल्ला व परिसरात या वातावरणामुळे एक वेगळेच चैतन्य निर्माण झाले होते.. प्रत्येक जण हे दृश्य पाहताच स्तब्ध झाला होता अनेकांनी हा सुंदर नजारा आपल्या डोळ्यांत त्याचप्रमाणे आपापल्या कॅमेऱ्यात कैद केला व सर्वांनी आपल्या व्हाट्सऍप, फेसबुक सारख्या सोशल मीडियावर या नयनरम्य दृश्याचे फोटो व व्हिडीओ ठेवले. सध्या तालुक्यात दोन दिवस हेच चित्र आपल्याला सगळीकडे पहायला मिळत आहे.

बाउन्सरचा 'डोस'; रुग्णांच्या नातेवाइकांमध्ये दहशत

कोरोनामुळे सध्या सगळीकडेच एक उदासनेतेच वातावरण आहे त्यात हे दृश्य लोकांना दिसल्याने लोकांची मने प्रफुल्लित झाली असुन निसर्गही आपल्याला आनंदी ठेवण्यासाठी प्रयत्न करीत आहे याचा प्रत्यय सर्वांनी घेतला.