Bhor News : कोकणात विक्रीसाठी पाठविण्यासाठी शहरात आणलेला सुमारे ४५ हजार रुपये किमतीचा साडेचार किलो गांजा भोर पोलिसांनी पकडला असून वाहतूक करणा-या तरुणाला अटक केली आहे.
अजय किसन गुमाने (वय २१, रा. अनंतनगर झोपडपट्टी, भोर) असे अटक केलेल्या तरुणाचे नाव असून मंगळवारी (ता.५) रात्री सव्वाआठ वाजता शहरातील महाडनाका परिसरात पोलिसांनी ही कारवाई केली. याबाबत भोर पोलिसांनी दिलेली माहिती अशी ः कोकणात विक्रीसाठी गांजा पाठविण्यात येणार असल्याची गुप्त खबर पोलिसांना मिळाली.
त्यानुसार पोलिसांनी महाड नाका परिसरात पाळत ठेवली. रात्री सव्वाआठच्या सुमारास महाड नाक्यावरील महाडला जाणा-या रस्त्याच्या डाव्या बाजूला संजयनगर कडे जाणा-या फाट्याजवळील अर्धवट बांधकाम सुरू असलेल्या इमारतीसमोर अजय गुमाणे आढळला. त्याच्याजवळील पोत्यात साडेचार किलो उग्र वास असलेला गांजा आढळून आला.
पोलिसांनी त्यास गुंगीकारक औषधी द्रव्य व मनोव्यापारावर परिणाम करणारे पदार्थ अधिनियम कायद्याअंतर्गत गुन्हा दाखल करून अटक केली. पोलिस हवालदार दत्तात्रेय खेंगरे यांनी फिर्याद दाखल केली असून पोलिस उपनिरीक्षक श्रीकांत जाधव पुढील तपास करीत आहेत. भोरचे उपविभागीय पोलीस अधिकारी पांडुळे साहेब यांचे मार्गदर्शनाखाली भोर पोलीस स्टेशनचे पोलीस निरीक्षक अण्णासाहेब पवार,
पोलीस उपनिरीक्षक श्रीकांत जाधव व शिला खोत, पोलीस हवालदार उद्धव गायकवाड, विकास लगस, अविनाश निगडे, गणेश कडाळे, सागर झेंडे व प्रियांका जगताप यांनी ही कारवाई केली. अजय गुमाणे यांने गांजा कोठून आणला आणि कोणाकडे पाठविणार होता. याचा तपास पोलिस करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.