सासवड (पुणे) : साहित्यसम्राट आचार्य प्रल्हाद केशव अत्रे यांचा जन्मदिन आज पुरंदर तालुक्यातील सासवड येथे साजरा करण्यात आला. या निमित्त कऱ्हा नदीकाठी असलेल्या जन्मघरी व वाघिरे विद्यालयात नीलफलकाचे अनावरण करण्यात आले.

अरे वा, 95 वर्षांच्या आजीबाईंची कोरोनावर मात 

सासवड (ता. पुरंदर) येथील आचार्य अत्रे विकास प्रतिष्ठानच्या वतीने विजय कोलते यांनी आचार्य अत्रे यांच्या पुतळ्यास पुष्पहार अर्पण केला. या कार्यक्रमास साहित्य परिषदेचे सासवड शाखेचे अध्यक्ष अॅड. प्रकाश खाडे, कार्याध्यक्ष खाजाभाई बागवान, माजी नगराध्यक्ष हेमंत भोंगळे, आर. एन. जगताप, कार्यकारिणी सदस्य अॅड. कला फडतरे, कुंडलिक मेमाणे, प्रा. हनुमंत चाचर, महाराष्ट्र एज्युकेशन सोसायटीचे संचालक बाबा शिंदे, मुख्याध्यापक रामदास शिंदे, बंडुकाका जगताप, भानुदास जगताप, बाळासाहेब दाभाडे, प्रशांत खळदकर, वसंत ताकवले, बाळासाहेब मुळीक, दशरथ कामथे, रवींद्र पोमण, राहुल जाधव, दादा मुळीक, शांताराम कोलते आदी उपस्थित होते. 

शेतकऱ्यांसाठी खूशखबर, दौंडमध्ये मुगाचे दिवसाआड लिलाव

यानिमित्त बाबा शिंदे यांनी सांगितले की, सासवड शहरातील आचार्य अत्रे यांच्या शाळेत एका सभागृहालाही अत्रे यांचे नाव दिले जाईल. कोलते म्हणाले की, आचार्य अत्रे यांचे पोस्टाचे तिकीट काढण्याचा प्रस्ताव पोस्ट खात्याकडे सादर केला आहे.