पुणे : लोहगाव विमानतळावरून देशांतर्गत विमानसेवेला सुरुवात झाल्यानंतर प्रवाशांची गर्दी होऊ लागली. दरम्यान खासगी वाहनामधून विमानतळावरुन ये-जा करणाऱ्या विमान प्रवाशांकडील बोर्डिंग पास हाच डिजीटल पास म्हणून ग्राह्य धरला जाणार आहे, त्यासाठी स्वतंत्र पासची आवश्यकता नसल्याचे गुन्हे शाखेचे पोलिस उपायुक्त बच्चन सिंग यांनी पुणे स्पष्ट केले.
कोरोनाच्या लॉकडाउनमुळे 25 मार्चपासून देशातील विमान वाहतूक बंद होती. मात्र अनेक घडामोडीनंतर अखेर 24 मे रोजी मध्यरात्री राज्य सरकारच्या परवानगीनंतर देशातंर्गत विमान वाहतूकीचा मार्ग मोकळा झाला. त्यानंतर दिल्ली, बंगळुरू, अहमदाबाद, चेन्नई या शहरांसाठी विमान वाहतूक सुरू झाली.
दरम्यान, विमान प्रवास करणाऱ्या प्रवाशांना विमानतळावर खासगी वाहनाने जावे किंवा यावे लागते. मात्र शहरात प्रवास करण्यासाठी पोलिसांचा डिजीटल पास आवश्यक असल्याने नागरीकांकडून डिजीटल पाससाठी अर्ज केले जात होते. ही बाब गुन्हे शाखेचे पोलिस उपायुक्त बच्चन सिंग यांच्या निदर्शनास आली.
त्यानुसार विमान प्रवाशांनी विमानतळापर्यंत ये-जा करण्यासाठी त्यांच्या खासगी वाहनाचा वापर केल्यास त्यांना स्वतंत्र पास देण्याची गरज नाही, त्यांच्याकडे असणारा बोर्डिंग पास हाच डिजीटल पास म्हणून ग्राह्य धरला जाईल, असे बच्चन सिंग यांनी स्पष्ट केले.
- पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.