नारायणगाव - बंद रो हाऊसचे कुलुप तोडून रो हाऊस बेकायदेशीररीत्या बळकावल्या प्रकरणी नारायणगाव पोलिसांनी दाम्पत्यावर गुन्हा दाखल केला असून त्यांना अटक केली आहे.ही घटना नारायणगाव ग्रामपंचायत हद्दीतील कोल्हेमळा(ता. जुन्नर) येथे घडली.
- पुण्याच्या बातम्या वाचण्यासाठी येथे ► क्लिक करा
या प्रकरणी सुलभा चंद्रशेखर को-हाळे (वय ४९, राहणार नारायणगाव) यांनी दिलेल्या फिर्यादी वरून संग्राम जगन्नाथ घोडेकर,रत्ना संग्राम घोडेकर (दोघे राहणार नारायणगाव तालुका जुन्नर) या दाम्पत्यावर गुन्हा दाखल करून अटक केली आहे. जुन्नर न्यायालयाने आरोपींचा जमीन मंजूर केला आहे.अशी माहिती नारायणगाव पोलिस स्टेशनचे सहायक पोलिस निरीक्षक दत्तात्रय गुंड यांनी दिली.
सुलभा को-हाळे यांचे कोल्हेमळा येथील जमीन सं न 261 / 2 मध्ये रो हाऊस (नंबर १०५) आहे. रो हाऊस कुलूप लावून बंद करण्यात आले होते.२३ ऑक्टोबर २०२० ते २४ ऑक्टोबर २०२० दरम्यान दरवाजाचे कुलूप तोडून घोडेकर दाम्पत्याने को-हाळे यांच्या पूर्व परवानगीशिवाय रो हाऊसचा ताबा घेतला. सद्यस्थितीत हे दाम्पत्य रो हाऊस मध्ये अनाधिकृतपणे राहत आहे.या प्रकरणी को-हाळे यांच्या फिर्यादीवरून गुन्हा दाखल करण्यात आला आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.