केडगाव (जि. पुणे) : वाखारी (ता. दौंड ) पुणे सोलापूर महामार्गावरील वाकडा पुल येथील भराव खचला असल्याने वाहतुकीला धोका निर्माण झाला आहे.
वाकडा पुल येथे मोठा ओढा आहे. काल रात्रीच्या पावसाने व ओढ्यातील पाण्याने या भरावाला हानी पोहचली. आणि आज दुपारनंतर या भरावाची माती ढासळू लागली. सोलापूरकडून पुण्याकडे जाणाऱ्या लेनमध्ये हा धोका निर्माण झाला आहे.
भरावाची माती हळूहळू ढासळत असताना ही या मार्गावरून वाहतूक चालू आहे. याबाबत महामार्ग व्यवस्थापनाला कळवूनही या ठिकाणची वाहतूक बंद करण्यास विलंब होत असल्याची तक्रार या भागातील नागरिकांनी केली आहे. भरावाची माती खचू लागल्याने महामार्गाच्या कठड्याला लावलेले रेलिंग मोकळे होऊ लागले आहेत. या पुलाच्या दक्षिण पट्ट्यामध्ये डोंगर भाग आहे. या भागात मोठ्या प्रमाणात पाऊस झाला आहे. या पावसाचा येवा या पुलाखालून जात आहे.
(संपादन :सागर दिलीपराव शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.