पुणे - चोरट्यांकडून बंद घरांना लक्ष्य करून घरफोड्या करण्याच्या घटना अद्याप थांबण्याची चिन्हे नाहीत. वारजे व लोहगाव परिसरात झालेल्या घरफोडीच्या दोन घटनांमध्ये चोरट्यांनी तीन लाख रुपयांचा ऐवज चोरून नेला. याप्रकरणी वारजे व विमानतळ पोलिस ठाण्यात गुन्हा दाखल केला आहे.
वारजेतील चोरीच्या घटनेप्रकरणी अभिषेक शहाणे (वय ३१) यांनी वारजे माळवाडी पोलिस ठाण्यात फिर्याद दिली. शहाणे हे वारजेमधील उरीटनगर परिसरामध्ये राहतात. ते हे शनिवारी दुपारी कामानिमित्त बाहेर गेले होते. ते परत आल्यानंतर त्यांना घरामध्ये चोरी झाल्याचे निदर्शनास आले. चोरट्यांनी घराच्या खिडकीचे गज कापून घरामध्ये प्रवेश केला. त्यानंतर त्यांच्या बेडरूमधील कपाटात ठेवलेले एक लाख ८२ हजार रुपये किमतीचे दागिने चोरून नेले.
लोहगाव येथील चोरीच्या घटनेप्रकरणी ३४ वर्षीय महिलेने विमानतळ पोलिस ठाण्यात फिर्याद दिली. फिर्यादी या लोहगावमधील संजय पार्क परिसरामध्ये राहतात. त्या २७ नोव्हेंबरला कामानिमित्त बाहेरगावी गेल्या होत्या. त्यानंतर रविवारी (ता. ६) त्या घरी परतल्या. त्यावेळी त्यांना घरामधील कपाटामध्ये ठेवलेली अडीच हजारांची रोख रक्कम, लॅपटॉप, सोन्याचे दागिने, असा ९१ हजार रुपयांचा ऐवज चोरी गेल्याचे निदर्शनास आले.
पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.