नारायणगाव : १४ ऑगस्ट २०१७ रोजी अरूण मार्तंड पाटे या शेतकऱ्याला मारहाण केल्याप्रकरणी नारायणगाव ग्रामपंचायतीचे सरपंच योगेश पाटे यांच्यासह इतर दोन जणांवर गुन्हा दाखल करून सुधारित दोषारोपपत्र सादर करावे. असा आदेश जुन्नर न्यायालयाने दिला आहे. न्यायालयाच्या आदेशानुसार सरपंच पाटे यांच्यासह तीन जणांवर गुन्हा दाखल करण्यात आला आहे. अशी माहिती सहायक पोलिस निरीक्षक पृथ्वीराज ताटे यांनी दिली.  जुन्नर न्यायालयाच्या आदेशानुसार सरपंच योगेश नामदेव पाटे, अनिल दादाभाऊ खैरे , सुनील रामदास खैरे यांच्यावर गुन्हा दाखल झाला आहे. या गुन्ह्यात १५ ऑगस्ट २०१७ रोजी सचिन सुरेश नरवडे, संदीप सुरेश नरवडे, सोमनाथ मारूती तोडकरी, विकास शंकर म्हस्के, कमलेश किसन गावडे, सुजीत संजय गाडेकर या सहा जणांवर गुन्हा दाखल झाला होता. या मुळे अरूण पाटे यांना झालेल्या मारहाण प्रकरणातील आरोपींची संख्या नऊ झाली आहे.

- कुणी ऑक्सिजन देता का ऑक्सिजन? राज्यातील खासगी रुग्णालयात तुटवडा​

या बाबत सहायक पोलिस निरीक्षक ताटे म्हणाले, नारायणवाडी (ता. जुन्नर) येथील गणपती मंडळातील वादातून आरोपींनी अरूण पाटे व त्यांचा मुलगा यांना मारहाण केली होती. या प्रकरणी १५ ऑगस्ट २०१७ रोजी सचिन नरवडे, संदीप नरवडे, सोमनाथ तोडकरी, विकास म्हस्के, कमलेश गावडे, सुजीत गाडेकर यांच्यासह इतर तीन जणांवर गुन्हा दाखल करून जुन्नर न्यायालयात दोषारोपपत्र सादर केले होते. मात्र त्या नंतर अरूण पाटे यांनी या गुन्ह्यात सरपंच पाटे, अनिल  खैरे, सुनील खैरे यांचा सहभाग असल्याचा अर्ज जुन्नर न्यायालयात दाखल केला होता. न्यायालयाच्या आदेशानुसार सरपंच पाटे यांच्यासह तीन जणांवर गुन्हा दाखल केला आहे.

- कोरोनाची त्सुनामी! २४ तासांत १.८५ लाख नवीन रुग्ण तर एक हजारपेक्षा जास्त जणांचा मृत्यू​

सरपंच पाटे यांच्यावर रस्त्याच्या भांडणातून अठरा मार्च रोजी व ३१ मार्च रोजी चाळकवाडी येथील टोल नाक्यावर केलेल्या आंदोलन प्रकरणी गुन्हा दाखल झाला आहे. या मुळे सरपंच पाटे यांच्यावर महिनाभरात तिसरा गुन्हा दाखल झाला आहे.

(संपादन : सागर डी. शेलार)