घोरपडी - ‘‘भारत, पाकिस्तान, बांगलादेशातील मुसलमानामध्ये फक्त जातिवाद आहेत. इस्लाम धर्मात भेदभाव नाही; पण मुसलमानांमध्ये आहे. यामुळे मुस्लिम समाजाचा विकास झाला नाही,’’ असे मत राज्यसभेचे खासदार हुसेन दलवाई यांनी व्यक्‍त केले.
महाराष्ट्र कॉस्मोपॉलिटन एज्युकेशन सोसायटीच्या वतीने ‘दलित मुस्लिम व दलित मुसलमान’ या पुस्तकांचे प्रकाशन आझम कॅम्पस येथे माजी खासदार अली अन्वर यांच्या हस्ते झाले. अध्यक्षस्थानी डॉ. पी. ए. इनामदार होते. पत्रकार हलिमा कुरेशी, हीना कौसर मोमीन, अब्दुल रहेमान, उषा वाघ, जनआंदोलनचे राष्ट्रीय समन्वय इब्राहिम खान उपस्थित होते.
दलवाई म्हणाले, मंडल आयोगानुसार मुस्लिम दलित समाजाला आरक्षण मिळावे, अशी अनेक वर्षांपासून चर्चा आहे. तसेच ओबीसी आरक्षणही मिळावे, यासाठी लढा सुरू आहे. आता मुस्लिम समाजाने मुस्लिम दलितांच्या विकासासाठी पुढे यायला हवे. हिंदू धर्माप्रमाणे मुसलमानामध्ये जाती व्यवस्था आहे. यामुळे मशीद व कब्रस्तान वेगवेगळे आहेत. हे चित्र बदलायला हवे. अली अन्वर म्हणाले, मुस्लिम समाजातील जातिभेद नष्ट करायला हवा. एकत्रित कामामुळे राष्ट्रीय प्रश्नांवर व समस्या सोडवण्यावर लक्ष देऊ शकतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.