पुणे - शिवाजीनगर जिल्हा न्यायालयातील महत्त्वाच्या ठिकाणांवर आता सीसीटीव्हींच्या माध्यमातून ‘वॉच’ ठेवणार आहे. न्यायालयातील प्रवेशद्वारांसह आतील भागातील सुरक्षाव्यवस्था बळकट करण्यासाठी सुमारे २४६ सीसीटीव्ही कॅमेरे बसविण्यात येणार असून, त्या कामाला सुरुवात झाली आहे.
न्यायालयात गर्दीचा फायदा घेऊन कोणताही गैरप्रकार घडू नये व इतर कोणत्याही घटना झाल्यास त्याचा माग काढता यावा. त्यामुळे कॅमेरे बसविण्याची मागणी वकील व पक्षकारांनी अनेक दिवसांपासून केली होती. सध्या न्यायालयातील गेट क्रमांक तीन व चारवर आणि त्यानंतर उर्वरित ठिकाणी सीसीटीव्ही बसविण्यात येणार आहेत. सीसीटीव्हीबाबत प्रमुख जिल्हा न्यायाधीशांची बैठक झाली. पुढील काम गतीने पूर्ण करण्यात येणार आहे, अशी माहिती पुणे बार असोसिएशनचे (पीबीए) अध्यक्ष ॲड. सतीश मुळीक यांनी दिली. कॅमेरे महत्त्वाच्या भागांमध्ये बसविण्यात येणार असून, त्याचे रेकॉर्डिंग पोलिस आयुक्तालयामध्ये होणार आहे, असे पीबीएचे उपाध्यक्ष ॲड. सचिन हिंगणेकर यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.