पुणे : देशात रस्त्यांवरून होणारी वाहतूक बंद असल्यामुळे मध्य रेल्वेने राज्यातील पाच विभागांतील  स्थानकांवरून तब्बल 28 हजार मालगाड्या आणि 550 रेल्वेगाड्यांद्वारे जीवनावश्यक वस्तूंची वाहतूक गेल्या 10 दिवसांत केली आहे.

ताज्या बातम्यांसाठी डाऊनलोड करा ई-सकाळचे ऍप
मध्य रेल्वेच्या मुंबई, सोलापूर, भुसावळ, नागपूर आणि पुणे विभागातून प्रामुख्याने जीवनावश्यक वस्तू पाठविण्यात आल्या आहेत.  कोरोनामुळे सध्या रस्त्यावरील वाहतूक बंद असल्याने रेल्वेवरील जबाबदारी वाढली आहे. त्या मुळे या वस्तूंची रेल्वेकडून सध्या 24 तास वाहतूक सुरु आहे. 

- खूप महत्त्वाचं : कोरोना लॉकडाऊनमुळे सुधारतोय 'ओझोन'चा थर, शास्त्रज्ञ म्हणतायत...
 16 हजार 964 वॅगनमधून कोळसा, 2 हजार 443 वॅगनमधून पुण्यातील लोणी काळभोर येथील पेट्रोलियम उत्पादने, 475 वॅगनमधून खत, 42 वॅगनमधून अन्नधान्य, 84 वॅगनमधून साखर, 84 वॅगनमधून कांदे, 676 आणि 728 वॅगनमधून विविध प्रकारची उत्पादने देशाच्या कानाकोपऱ्यात आवश्यकतेनुसार पाठविण्यात आली आहेत, असे मध्य रेल्वेच्या अधिकाऱ्यांनी सांगितले. 

- Fight with Corona : पाकमधील हिंदू-ख्रिश्चनांना शाहिद आफ्रिदीचा मदतीचा हात!
राज्यात धान्य, भाजीपाला, पेट्रोलियम पदार्थ आदींची मोठी बाजारपेठ आहे. तसेच चंद्रपूरमध्ये कोळशाचे मोठ्या प्रमाणावर उत्पादन होते.  त्या मुळे राज्यातून या वस्तू देशाच्या विविध भागांत पाठविल्या जात आहेत.