पुणे : शहरामधील विविध संघटनांकडून वेगवेगळ्या मागण्यांसाठी आज सकाळी दहा ते दुपारी एक या वेळेत जिल्हाधिकारी कार्यालयावर मोर्चा काढण्यात येणार आहे. त्यासाठी संबंधीत रस्त्यावरील वाहतूकीत बदल करण्यात आला असून वाहनचालकांनी पर्यायी मार्गाचा वापर करावा, असे आवाहन वाहतुक विभागाने केले आहे.
वाकडेवाडी येथील कामगार आयुक्त कार्यालयापासून सकाळी साडे दहा वाजता एका संघटनेचा मोर्चा निघणार आहे. वाकडेवाडी, अभियांत्रिकी महाविद्यालय, प्रादेशिक परिवहन कार्यालय (आरटीओ), मालधक्का चौक मार्गे हा मोर्चा जिल्हाधिकारी कार्यालयाकडे जाणार आहे.
याबरोबरच दुसऱ्या संघटनांचा मोर्चा सकाळी पावणे अकरा वाजण्याच्या सुमारास लालमहल येथून फडके हौद चौक मार्गे हा मोर्चा जिल्हाधिकारी कार्यालयाकडे येईल. तसेच आणखी काही संघटनांचा मोर्चा दुपारी दोन वाजता सारसबाग येथील अण्णाभाऊ साठे पुतळ्यापासून सुरू होईल.
त्यानंतर हा मोर्चा पुरम चौक, बाजीराव रस्त्यावरील नातूबाग मित्र मंडळ येथून दारुवाला पूल, नरपतगिरी चौक, मालधक्का चौकातून जिल्हाधिकारी कार्यालयाकडे जाईल. त्यादृष्टीने वाहनचालकांनी पर्यायी मार्गाचा वापर करावा, असेही वाहतुक शाखेने आवाहन केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.