पुणे : स्वारगेट येथील मेट्रो प्रकल्प ते एस. टी.बसस्थानकापर्यंत भुयारी मार्गाचे काम सुरू करण्यात आले आहे. त्यामुळे स्वारगेट येथील जेधे चौकातील सेवा रस्त्यावरील वाहतुकीमध्ये तात्पुरत्या स्वरुपात बदल करण्यात आला आहे. त्यामुळे नागरिकांनी पर्यायी मार्गाचा वापर करावा, असे आवाहन वाहतुक शाखेने केले आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

स्वारगेटच्या जेधे चौकाजवळ मेट्रो स्टेशनचे काम सुरू आहे. त्याअंतर्गतच 30 ऑगस्टपासून मेट्रो स्टेशन ते एस. टी. बस स्थानकापर्यंत मेट्रो प्रशासनाकडून भुयारी मार्ग करण्याच्या कामाला सुरूवात करण्यात आली आहे. त्यामुळे प्रायोगिक तत्त्वावर वाहतुकीमध्ये बदल करण्यात आला आहे. त्यानुसार, स्वारगेट जेधे चौकाकडून सेवा रस्त्याने कात्रजला जाणारी वाहतूक बंद करण्यात आली आहे. संबंधित वाहने ही उड्डाणपुलावरुन किंवा बीआरटी लेनमधून व्होल्गा चौकमार्गे कात्रजच्या दिशेने जाईल, असे वाहतूक शाखेचे अतिरिक्त पोलिस आयुक्त डॉ.संजय शिंदे यांनी सांगितले आहे.

पुण्यातील गणपती विसर्जन मिरवणुक होणार ढोल-ताशाविना

स्वारगेट, जेधे चौकाकडून येणाऱ्या बसला कात्रज व अन्य ठिकाणी जाण्यासाठी उड्डाणपुलाच्या सुरूवातीपासून 30 ते 40 मीटर अंतरावर उड्डाणपुलाच्या खाली पीएमपीएल बस थांबा करण्यात आला आहे. तरी कात्रजच्या दिशेने जाणाऱ्या पीएमपी बसने बीआरटी लेन मार्गे संबंधित बसथांब्याचा वापर करावा. त्यानंतर पुढच्या दिशेने जावे, असेही वाहतुक शाखेने कळविले आहे.