पुणे - गृहकर्जाच्या नावाखाली बॅंकेत बनावट कागदपत्रे सादर करून एका महिलेने बॅंकेला तब्बल 40 लाख 64 हजार रुपयांना गंडा घातला. याप्रकरणी बॅंकेच्यावतीने स्वारगेट पोलिस ठाण्यात गुन्हा दाखल करण्यात आला आहे.

 - ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

याप्रकरणी हरेराम सिंग (वय 49, रा. हडपसर) यांनी स्वारगेट पोलिस ठाण्यात फिर्याद दिली आहे. त्यावरुन 33 वर्षीय महिलेविरुद्ध फसवणूकीचा गुन्हा दाखल करण्यात आला आहे. फिर्यादी हे शंकरशेठ रस्त्यावरील स्टेट बॅंक ऑफ इंडियामध्ये वरिष्ठ अधिकारी या पदावर कार्यरत आहेत. संशयित आरोपी महिलेने आंबेगाव येथील बांधकाम प्रकल्पामध्ये एक सदनिका घेतली होती. संबंधीत सदनिकेचे दस्त दुय्यम निबंधक कार्यालयात नोंदविण्यात आले होते.

मारहाण करणाऱ्या वडिलांविरोधात मुलीची पोलिसांत तक्रार; गुन्हा दाखल

या दस्ताची बनावट कागदपत्रे बनवून महिलेने फिर्यादी यांच्या बॅंकेकडे गृहकर्जासाठी अर्ज केला होता. गृहकर्ज 39 लाख 92 हजार व 72 हजार रुपये विमा असे एकूण 40 लाख 64 हजार रुपयांचे कर्ज मंजुर करून घेतले. संबंधीत महिलेच्या कागदपत्रांची तपासणी करीत असताना तिने बनावट कागदपत्रे बॅंकेत सादर केल्याचे बॅंकेच्या निदर्शनास आले. त्यानंतर बॅंकेतर्फे तिच्याविरुद्ध गुन्हा दाखल करण्यात आला. या प्रकरणाचा तपास पोलिस उपनिरीक्षक सुरेश जायभाय करत आहेत. 

Edited By - Prashant Patil