राजगुरूनगर (पुणे) : खेड तालुक्यातील काही भागात डेंगीसदृश आजाराचे रुग्ण आढळत असून, डेंगीची साथ पसरण्याची भीती व्यक्त केली जात आहे. मात्र, मोजक्या लोकांना डेंगी झाल्याचे अहवाल असून, साथ नसल्याचा दावा आरोग्य विभागाने केला आहे.
राजगुरुनगर येथील पांडुरंगनगर, पाबळ रोड परिसरात डेंगीचे काही रुग्ण सापडल्याचे लोक सांगत आहेत. खासगी पॅथॉलॉजी लॅबच्या अहवालानुसार रुग्णाला डेंगी झाल्याचे खासगी डॉक्टरांकडून सांगितले जात आहे. या चर्चेनंतर आरोग्य विभागाने रुग्णांच्या रक्ताचे नमुने राष्ट्रीय विषाणू संस्थेकडे पाठविले आहेत. तिकडून अहवाल आल्यावरच तापाचे रुग्ण डेंगीचे आहेत की नाही, हे स्पष्ट होऊ शकेल, असे तालुका आरोग्य अधिकारी बी. बी. गाढवे यांनी सांगितले. मात्र, तरीही आरोग्य विभागाच्या कर्मचाऱ्यांना सर्वेक्षण करण्यास सांगितले असल्याचे त्यांनी सांगितले. राजगुरुनगर नगरपरिषदेने या भागात डास वाढू नयेत, यासाठी औषध फवारणी केली आहे.
हा विषाणूजन्य ताप डेंगी, चिकुनगुणिया, विषमज्वर आदी असण्याबात खासगी डॉक्टर आणि सरकारी यंत्रणा यांच्यात मतभेद असल्याने नागरिकही संभ्रमात आहेत. या आजारांमध्ये रक्तातील 'प्लेटलेट' कमी होण्याचे लक्षण प्रामुख्याने आढळताना दिसते. त्या प्लेटलेट्सचे प्रमाण सामान्य पातळीवर आणण्यासाठी लोकांना मोठ्या प्रमाणात खर्च करावा लागतो. तसेच, आजारांच्या वेगवेगळ्या तपासण्या करण्यासाठीही मोठा खर्च होतो. त्यामुळे नागरिक वैतागून गेले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.