पुणे : मुंबई-बंगळुरू महामार्गावरील वाहतूकीला अडचणीचा ठरत असलेला चांदणी चौक येथील जूना पूल आज अखेर स्फोटाकांच्या मदतीने पाडण्यात आला. काही दिवसांपूर्वी या पूलाच्या परिसरातील वाहतूक कोंडीत राज्याचे मुख्यमंत्री एकनाथ शिंदे हे देखील अडकले होते. दरम्यान आज अखेर चांदणी चौकातील हा पूल पाडल्यानंतर मुख्यमंत्री एकनाथ शिंदे यांनी प्रतिक्रिया दिली आहे.
एका वृत्तवाहिनीशी बोलताना मुख्यमंत्री शिंदे म्हणाले की, पुण्याहून साताऱ्याकडे वाहतूक कोंडी मोठ्या प्रमाणात कोंडीची समस्या नागरिकांनी मला सांगितली, मी त्या भागाचा सर्व्हे केला त्यानंतर एनएचआय, पीडब्लूडी अधिकाऱ्यांना सूचना केल्या. त्यानंतर तेथे वाहतूक कोंडीतून दिलासा देण्यासाठी चांदणी चौकातील पूल पाडण्याचा निर्णय घेतला. कंट्रोल ब्लास्टींगने हा पूल पाडण्याचा निर्णय घेतला. आज तो पूल पाडण्यात आला.
हा पूल पाडल्यानंतर नवीन पुलाचं काम सुरू होईल, सर्व्हिस रोडसह सर्वांच काम लगेच सुरू होईल. लवकरच त्या भागातील वाहतूक कोंडी दूर करण्यासाठी सर्व आवश्यक बाबी केल्या जातील असे मुख्यमंत्री शिंदे यांनी सांगितले. पुढे बोलताना यासाठी किती वेळ लागेल असे विचारले असता, मुख्यमंत्री म्हणाले की, काम लगेच सुरू होऊल, काम मंजूर आहे. या पूलामुळे काम थांबलेलं, या पुलामुळे बॉटल नेक होत होतं म्हणून हा पूल पाडण्यात आला आहे असे ते म्हणाले.
पुण्याच्या पश्चिम भागातील चांदणी चौकातील पूल पाडण्याचं काम नियोजनाप्रमाणं पूर्ण झाल्याचा दावा कंपनीच्या मुख्य इंजिनिअर आनंद शर्मा यांनी सांगितलं आहे. त्यामुळं हा पूल पडल्याचं अधिकृतरित्या जाहीर करण्यात आलं आहे. यानंतर आता पूलाच्या बाजूचा राडारोडा पोकलेनंच्या बाजूनं दूर केला जात आहे. हा संपूर्ण राडारोडा दूर करायला आणखी चार-पाच तास लागतील असा अंदाज वर्तवण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.