मुख्यमंत्री एकनाथ शिंदे लवकरच पुणे दौऱ्यावर येणार आहे. मुख्यमंत्रिपदी विराजमान झाल्यानंतरचा हा पुण्यातला पहिलाच जाहीर कार्यक्रम असेल. या दौऱ्यामध्ये ते पुण्यातल्या प्रसिद्ध दगडूशेठ गणपतीची आरतीही करतील. (CM Eknath Shinde Pune Visit)
मुख्यमंत्री एकनाथ शिंदे १ ऑगस्टला पुणे दौऱ्यावर येणार आहेत. दुपारी ते हांडेवाडी इथं एका फुटबॉल मैदानाचं उद्घाटन करतील. शिंदे गटात सामील झालेले माजी नगरसेवक नाना भानगिरे यांच्या खर्चातून हे मैदान उभारण्यात येणार आहे. या मैदानाचं उद्घाटन एकनाथ शिंदे यांच्या हस्ते होणार आहे.
त्यानंतर संध्याकाळी मुख्यमंत्री शिंदे पुण्यातल्या प्रसिद्ध श्रीमंत दगडूशेठ हलवाई गणपती मंदिराला भेट देतील. गणपतीची महाआरती एकनाथ शिंदे यांच्या हस्ते होणार आहे. मुख्यमंत्री झाल्यानंतर पहिल्यांदाच एकनाथ शिंदे पुण्यात जाहीर कार्यक्रमांना हजेरी लावणार आहेत. आज राष्ट्रपती द्रौपदी मुर्मू यांच्या शपथविधीसाठी शिंदे नवी दिल्लीत आहेत. तिथून ते कोल्हापूरात चंद्रकांत पाटील यांच्या सांत्वनासाठी त्यांच्या घरी जाणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.