पुणे: बारावीनंतर अभियांत्रिकी आणि इतर अभ्यासक्रमांना प्रवेश घेण्यासाठी आवश्यक असलेल्या 'राज्य सामाईक प्रवेश परीक्षां'चे (CET) सुधारीत वेळापत्रक जाहीर करण्यासाठी सीईटी सेलच्या आयुक्तांच्या अध्यक्षतेखाली समिती गठीत करण्यात आली आहे, अशी माहिती राज्याचे उच्च व तंत्र शिक्षण मंत्री उदय सामंत यांनी दिली. दरम्यान, सीईटीसाठी तालुका स्तरावर केंद्र तयार करण्याची सूचना ही करण्यात आली आहे. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा

राज्यातील विद्यापीठांच्या परीक्षांसंदर्भात उदय सामंत यांनी कुलगुरूंची बैठक घेतली. त्यावेळी बारावी नंतर अभियांत्रिकी, औषधनिर्माण यासह अभ्यासक्रमांच्या प्रवेश परीक्षांसंदर्भात चर्चा करण्यात आली. यूजीसीने जाहीर केलेल्या नियमावलीत १ सप्टेंबर पासून नवीन शैक्षणिक वर्ष सुरू होणे आवश्यक आहे. त्यासाठी या परीक्षांचे व्यवस्थित नियोजन करणे व निकाल जाहीर करणे आवश्यक आहे. यावर सर्व उपाययोजना करून वेळापत्रक तयार करण्यासाठी सीईटीसेलचे अध्यक्ष संदीप कदम यांची समिती नेमली आहे, असे सामंत यांनी संगितले.

पुणेकर कन्फ्यूज; सरकार म्हणतंय दुकानं सुरू, व्यापाऱ्यांची वेगळीच भूमिका

राज्यमंत्री प्राजक्त तनपुरे यांनी " विद्यार्थ्यांना प्रवासाचे अंतर कमी करण्यासाठी सध्या असलेल्या जिल्हा स्तरावरील सीईटी केंद्राची संख्या वाढविणे गरजेचे आहे. प्रत्येक तालुका स्तरावर केंद्र तयार करण्यात यावे अशी सूचना केली आहे. 

आता वकिलांना घरबसल्या करता येणार दावे दाखल; सर्वोच्च न्यायालयाने उचलले महत्वाचे पाऊल

या शक्यतेवरही झाली चर्चा
राज्य सामाईक प्रवेश परीक्षा (सीईटी) २० ते ३० जुलै दरम्यान घेण्यात येतील का? आणि या परीक्षेचा निकाल १५ ऑगस्ट पर्यंत जाहीर करुन १ सप्टेंबर पासून नवीन वर्षाचे वर्ग सुरू करता येतील का यावर चर्चा करण्यात आली, असे सामंत यांनी सांगितले.