पुणे : ‘‘तीन महिन्यापासून पगार नाही. जेवण नाही. रहायला जागा नाही. काय करणार इथं राहून. त्यापेक्षा पायी चालत मरू,’’ अशी व्यथा वारजे येथे एका खासगी कंपनीत काम करणाऱ्या झारखंड येथील मजुरांनी व्यक्त केली. त्यांनी पुणे ते झारखंड, असा हजारो किलोमीटरचा प्रवास पायी करण्याचा निर्णय घेऊन गावाकडे प्रस्थानही केले.
झारखंड येथील आठ मजूर वारजे येथे एका खासगी कंपनीत काम करत होते. मात्र, संबंधित ठेकेदाराने मजुरांचा तीन महिन्याचा पगार थकविला आहे. राहण्याचीही व्यवस्थाही केली नाही. त्यामुळे मजुरांनी बुधवारी ( ता. 29) आपल्या गावी पायी चालत जाण्याचा निर्णय घेतला.
पुण्याच्या बातम्या वाचण्यासाठी येथे ► क्लिक करा
‘‘वारजे येथे रस्त्याचे काम करत होतो. तीन महिन्यापासून पगार नाही. ठेकेदार पळून गेला. त्याने फोन बंद करून टाकला आहे. १५ दिवस पगाराची वाट बघितली. आता उपासमार व्हायला लागली. रहायलाही जागा नाही. म्हणून गावी पायी जात आहोत,’’ अशी व्यथा या मजुरांनी ‘सकाळ’कडे मांडली.
‘‘वाटेत मिळेल, तिथं जेवण करू. एखादे वाहन मिळाले, तर त्यातून जाऊ. शक्य तितके पायी चालू. इथं उपाशी मरण्यापेक्षा ते बरं आहे,’’ अशी भावना त्यांच्यातील आणखी एका मजुराने व्यक्त केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.