पुणे : पुणे जिल्हा परिषदेच्या स्थायी समितीतील गेल्या तीन महिन्यापासून रिक्त झालेले पदावरून काँग्रेसच्या दोन सदस्यांमध्ये तू-मी सुरू होती. मात्र, आता काँग्रेसमधील अंतर्गत वादामुळे भरण्याचा तिढा आता सुटणार आहे.

या समितीवरील आणखी एक पद रिक्त झाल्याने या एकाच जागेसाठी हट्ट धरून बसलेल्या दोघांचाही आता या  समितीवर जाण्याचा मार्ग मोकळा झाला आहे. त्यामुळे या दोघांनाही आता या समितीवर आपोआपच संधी मिळणार आहे. 

- 'सकाळ'चे मोबाईल ऍप डाऊनलोड करा

एका रिक्त पदावरुन काँग्रेसचे सदस्य दत्ता झुरंगे (पुरंदर) आणि माजी सहकारमंत्री हर्षवर्धन पाटील यांची कन्या अंकिता पाटील यांच्यात अंतर्गत वाद निर्माण झाला होता. त्यामुळे हे पद दोघांपैकी कोणाला मिळणार? या वादात रिक्त ठेवण्याची वेळ जिल्हा परिषदेवर आली होती. हर्षवर्धन पाटील यांच्या आई रत्नप्रभादेवी पाटील यांच्या आकस्मिक निधनामुळे ही जागा रिक्त झाली होती.

- सोशल मिडीयावर आमदाराची बदनामी; तक्रारीनंतर अनेकजण लेफ्ट

दरम्यान, या समितीवर सदस्य असणारे रोहित पवार हे यंदा झालेल्या विधानसभा निवडणुकीमध्ये कर्जत-जामखेड मतदारसंघातून आमदार म्हणून निवडून आले आहेत. त्यामुळे त्यांचे जिल्हा परिषद सदस्यत्व संपुष्टात आले आहे.

- राष्ट्रवादीचे नऊ आमदार भाजपच्या संपर्कात; भाजप खासदाराचा दावा

परिणामी, स्थायी समितीची आणखी एक जागा रिक्त झाली आहे. सध्या दोन जागा रिक्त असल्याने अंकिता पाटील आणि झुरंगे या दोघांनाही संधी मिळणार आहे. जिल्हा परिषदेची सर्वसाधारण सभा नोव्हेंबर अखेरच्या किंवा डिसेंबरच्या पहिल्या आठवड्यात होण्याची शक्यता आहे.

- दीपिका होणार आई? रणवीरने दिली अशी प्रतिक्रिया...