पुणे : कॉंग्रेसचे माजी जिल्हाध्यक्ष देविदास भन्साळी यांना राज्यपाल नियुक्त कोट्यातून विधान परिषदेवर संधी द्यावी, अशी मागणी पुणे जिल्ह्यातील कॉंग्रेसच्या कार्यकर्त्यांनी केली आहे.
या नियुक्तीमुळे निष्ठावंत कार्यकर्त्यांमध्ये आणि समाजामध्ये एक चांगला संदेश जाईल, असे मतही कार्यकर्त्यांनी ही मागणी करताना व्यक्त केले.
भन्साळी यांनी आजपर्यंत पक्षासाठी आपले तन-मन-धन लावून पक्षाची सेवा केली आहे. ते पक्षात एक सर्वसामान्य कार्यकर्तां म्हणून दाखल झाले होते. तेव्हापासून त्यांनी पक्षाने सोपविलेली प्रत्येक जबाबदारी प्रमाणिकपणे पार पाडली आहे. त्यामुळे पक्षाने भन्साळी यांच्यासारख्या स्वच्छ प्रतिमेच्या एकनिष्ठ कार्यकत्यांची कदर करावी, अशी मागणी महाराष्ट्र प्रदेश काँग्रेसकडे करण्यात आली आहे.
कॉंग्रेसच्या पुणे जिल्हा अध्यक्षपदाची जबाबदारी भन्साळी यांनी तब्बल अकरा वर्षे सांभाळली आहे. कॉंग्रेस पक्ष अडचणीत असताना अनेक महत्वाच्या जबाबदाऱ्या त्यांनी पार पाडल्या आहेत, असेही कॉंग्रेस कार्यकर्त्यांनी म्हटले आहे.
- पुण्याच्या बातम्या वाचण्यासाठी येथे क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.