राहू (पुणे) : दौंड तालुक्यातील खुटबाव येथील तरकारी मालाची वाहतूक करणाऱ्या चालकाला रविवारी (ता. १४) कोरोनाची लागण झाल्याचे निष्पन्न झाले होते. त्याच्या संपर्कातील आणखी एका २७ वर्षीय तरुणाला आज (ता. १६) कोरोनाची बाधा झाल्याचे दौंड तालुका वैद्यकीय अधिकारी डॉ. अशोक राजगे,  यवत ग्रामीण रुग्णालयाचे अधीक्षक डॉ. शशिकांत इरवाडकर यांनी सांगितले. 

वाहनचालकांनो, तुमच्यासाठी आहे ही महत्त्वाची बातमी

या रुग्णावर यवत ग्रामीण रुग्णालयात उपचार सुरु करण्यात आले आहेत. तरकारी गाडीची वाहतूक करणाऱ्या चालकासह दहा जण त्याच्या संपर्कात होते. त्यापैकी आठ जणांचे कोरोनाचे अहवाल निगेटिव्ह आले आहेत. खुटबाव परिसरातील वाड्या-वस्त्या संचारबंदी करण्यात आली आहेत. दौंड तालुक्यात सध्या कोरोनाच्या रुग्णांत वाढ होत चालली असून, सरकारच्यावतीने दिलेल्या नियमांचे काटेकोरपणे पालन करणे गरजेचे आहे. नागरिकांनी घाबरून जाऊ नये. खुटबाव आणि वाड्या वस्त्यांवरील नागरिकांची तपासणी करण्यात येणार आहे, असे डॉ. रासगे यांनी सांगितले. 

पेट्रोलच्या दरवाढीचा दस का दम
 
खुटबावचे सरपंच दशरथ थोरात व ग्रामविकास अधिकारी जे. टी. पाटील यांनी सांगिले की, गावामध्ये कोणीही घबराटीचे वातावरण निर्माण होईल, अशा अफवा सोशल माध्यमांद्वारे पसरवू नये. प्रत्येकाने कोरोनाचा प्रादुर्भाव टाळण्यासाठी काळजी घ्यावी. संपूर्ण गाव आणि वाड्या-वस्त्यांवर निर्जंतुकीकरणाच्या फवारण्या केल्या  आहे. तसेच गावात बाहेरगावावरून येणार्‍या नागरिकांवर प्रशासनाचे अधिकारी बारीक लक्ष ठेवून आहे.