पुणे : पुणे जिल्ह्यात शनिवारी (ता.२२) दिवसभरात १६ हजार ३६२ नवे कोरोना रुग्ण आढळून आले आहेत. दिवसभरात ११ हजार ९५१ जणांनी कोरोनावर मात केली आहे. अन्य १५ रुग्णांचा कोरोनाने मृत्यू झाला आहे. दिवसातील एकूण मृत्यूमध्ये पुणे शहरातील ९ कोरोना मृत्यू आहेत.(Pune Corona Update)

दिवसातील जिल्ह्यातील एकूण नवीन कोरोना रुग्णांमध्ये पुणे शहरातील सर्वाधिक ८ हजार २४६ नवे रुग्ण आहेत. पिंपरी चिंचवडमध्ये ४ हजार ८७५, जिल्हा परिषद कार्यक्षेत्रात २ हजार ५०४, नगरपालिका हद्दीत ५५० आणि कॅंटोन्मेंट बोर्ड क्षेत्रात १८७ नवे रुग्ण सापडले आहेत. एकूण कोरोनामुक्तांमध्ये शहरातील सर्वाधिक ५ हजार ४०० जण आहेत. पिंपरी चिंचवडमधील २ हजार ५६६, जिल्हा परिषद कार्यक्षेत्रातील १ हजार ४२१, नगरपालिका हद्दीतील ४३२ आणि कॅंटोन्मेंट बोर्ड क्षेत्रातील २०३ जणांनी कोरोनावर मात केली आहे.

पुणे जिल्ह्यातील एकूण मृत्यूमध्ये शहरातील नऊ मृत्यूबरोबरच पिंपरी चिंचवड व जिल्हा परिषद कार्यक्षेत्रातील प्रत्येकी तीन कोरोना मृत्यू आहेत. शनिवारी दिवसभरात नगरपालिका आणि कॅंटोन्मेंट बोर्ड क्षेत्रात एकही मृत्यू झाला नाही. सद्यःस्थितीत जिल्ह्यातील एकूण सक्रिय कोरोना रुग्णांची संख्या ८९ हजार ६७३ इतकी आहे. एकूण सक्रिय कोरोना रुग्णांपैकी शहर व जिल्ह्यातील विविध रुग्णांलयात २ हजार ८६६ जणांवर उपचार सुरु आहेत. उर्वरित ८६ हजार ८०७ जण गृहविलगीकरणात आहेत.