दौंड (पुणे) : दौंड शहरात एकाच कुटुंबातील सात सदस्यांना कोरोना विषाणूची बाधा झाली आहे. बाधितांच्या उपचारांसाठी अधिग्रिहत रूग्णालयांवर नियंत्रण नसल्याने काही रूग्णालयांकडून रुग्णांना अवास्तव बिलांची आकाराणी व वसुली सुरू आहे.

- पुण्याच्या बातम्या वाचण्यासाठी येथे ► क्लिक करा

दौंड उप जिल्हा रूग्णालयात ३० सप्टेंबर व १ ऑक्टोबर रोजी एकूण १८५ जणांची रॅपिड अँटिजेन डिटेक्शन किटद्वारे कोरोना निदान तपासणी करण्यात आली. त्यापैकी  २८ जणांना बाधा झाली असून त्यामध्ये १८ पुरूष व १० महिलांचा समावेश आहे. बाधितांचे वयोमान २ ते ७५ दरम्यान आहे, अशी माहिती रूग्णालयाचे अधीक्षक डॅा. संग्राम डांगे यांनी दिली.

- ताज्या बातम्यांसाठी डाऊनलोड करा ई-सकाळचे ऍप

दौंड तालुक्यात कोरोनाचा प्रादुर्भाव वाढत असताना घराबाहेर पडणार्या नागरिकांकडून प्रतिबंधात्मक उपाययोजनांकडे कानाडोळा केला जात आहे. अधिग्रहित रूग्णालयांकडून कोरोना निगेटिव्ह रूग्णांना पॅाझिटिव्ह रूग्णांच्या वॅार्डात दाखल करून त्यांच्याकडून किमान सत्तर हजार ते दीड लाख रूपयांपर्यंत बिलांची आकारणी केल्याचे प्रकार सुरू आहेत. या बाबत तहसीलदार संजय पाटील यांनी सात अधिकार्यांची चौकशी समिती नियुक्त केली असून त्याचा अहवाल प्रलंबित आहे. 
दंडात्मक कारवाईच्या भीतीपोटी मास्कचा वापर फक्त कानाला अडकविण्यापुरता सुरू आहे. त्याचबरोबर कारवाईची भीती नसल्याने कसल्याही प्रकारचे शारीरिक अंतर न पाळता ठिकठिकाणी गर्दी पाहावयास मिळत आहे. 

आता लॉयब्ररी देखील ऑनलाईन; विद्यार्थ्यांनो घरबसल्या करा अभ्यास

१९५७ पैकी १६२२ उपचारानंतर बरे- दौंड तालुक्यात २९ एप्रिल ते ३० सप्टेंबर या कालावधीत १९५७ जणांना कोरोनाची बाधा झाली आहे व त्यापैकी उपचारानंतर १६२२ जण बरे झाले आहेत. तालुक्याच्या ग्रामीण भागातील ३५ व शहरातील १८, असे एकूण ५२३ जणांचा मृत्यू झाला आहे. सध्या एकूण २८२ बाधितांवर उपचार सुरू आहेत, अशी माहिती प्रभारी तालुका आरोग्य अधिकारी डॅा. राजेश पाखरे यांनी दिली.

(संपादन : सागर दिलीपराव शेलार)