वेल्हे (पुणे) : वेल्हे तालुक्यातील कोवीड केअर सेंटरमधील कोरोनाबाधित महिला डॉक्टरच्या संपर्कातील आरोग्य विभागातील बारा जणांचे व मुंबई कनेक्शनमधून बाधित झालेल्या व्यक्तीच्या संपर्कातील कोळवडी गावातील चार जण, असे सोळा जणांचे रिपोर्ट निगेटिव्ह आले. त्यामुळे वेल्हेप्रशासनासह नागरीकांना मोठा दिलासा मिळाला आहे.
वेल्हे येथील कोवीड केअर सेंटरमधील ३५ वर्षीय महिला डॉक्टरच्या पतीला कोरोनाची बाधा झाली. त्यानंतर महिला डॉक्टरची कोरोना तपासणी करण्यात आली होती. यामध्ये तपासणी अहवाल पॉझिटिव्ह आला. त्यानंतर संपर्कातील वेल्हे आरोग्य विभागातील बारा कर्मचा-यांचे स्वॅब तपासणीसाठी पाठविण्यात आले होते. कोवीड केअर सेंटरमधीलच डॉक्टरच बाधित असल्याने तालुका प्रशासनच मोठे चिंतेत पडले होते, तर कोळवडी येथील मुंबई कनेक्शनमधून बाधित झालेल्या ४५ वर्षीय व्यक्तीच्या संपर्कातील चार व्यक्तींचे स्वॅब गुरूवारी (ता. ९) तपासणीसाठी पाठविण्यात आले होते.
या सोळा जणांचे तपासणी अहवाल काल निगेटिव्ह आले. त्यामुळे तालुका प्रशासनासह वेल्हे तालुक्यातील नागरिकांना मोठा दिलासा मिळाला आहे. वेल्हे तालुक्यातील कोरोनाबाधितांचा आकडा ३८ वर पोहचला असून, त्यापैकी ३५ जणांनी कोरोनावर मात केली आहे. साखर गावातील ज्येष्ठ महिलेचा मृत्यू झाला असून, कातवडी व कोळवडी येथील प्रत्येकी एक रुग्णावर उपचार चालू असल्याची माहिती तालुका वैद्यकीय अधिकारी अंबादास देवकर यांनी दिली.
Edited by : Nilesh Shende
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.