पुणे : कोरोनाच्या वाढत्या प्रादूर्भावामुळे शहरात दररोज रात्री आठ ते सकाळी सात या वेळेत संचार मनाई आदेश लागू करण्यात आला आहे, असा आदेश सहपोलीस आयुक्त डॉ. रवींद्र शिसवे यांनी दिला. पोलिसांकडून विनाकारण त्रास दिला जाणार नाही, मात्र नागरिकांनीही रात्री विनाकारण फिरू नये, अन्यथा त्यांच्यावर कडक कारवाई केली जाईल, असेही डॉ. शिसवे यांनी स्पष्ट केले. संबंधित आदेशाचे उल्लंघन करणाऱ्यांविरुद्ध भारतीय दंड विधान कलम 188 नुसार (आदेश धुडकावणे) तसेच साथरोग अधिनियमातील तरतुदींनुसार गुन्हे दाखल करण्यात येतील, असेही डॉ. शिसवे यांनी दिलेल्या आदेशात नमूद करण्यात आले आहे. रविवारी रात्री आठ वाजल्यापासून संचार मनाई आदेश लागू करण्यात आले आहेत. पुढील आदेशापर्यंत दररोज रात्री आठ ते सकाळी सात यावेळेत संबंधित आदेश लागू असणार आहेत. संचारबंदीचे आदेश लागू केल्यानंतर महत्वाच्या कारणांसाठी बाहेर पडणाऱ्या नागरिकांची अडवणूक करण्यात येऊ नये, असे आदेश शहरातील सर्व पोलिस ठाण्यातील प्रमुखांना देण्यात आले आहेत.
हेही वाचा - 'कोरोना प्रतिबंधासाठी सुक्ष्म नियोजन करा'; पुणे जिल्हाधिकाऱ्यांचे झेडपीला आदेश
अशी घ्या खबरदारी
हेही वाचा - कात्रज स्माशानभूमीत होतेय मृतांच्या नातेवाईकांची वारेमाप लूट!
नागरिकांनी रात्री पूर्वी घरी पोचता येईल, यादृष्टीने नागरीकांनी आपल्या कामांच्या वेळा सुधारून घ्यावात. तसेच रात्री कामावरुन घरी परतणाऱ्या कामगार, तसेच प्रवाशांनी स्वतःजवळ ओळखपत्रे, तिकटे किंवा आवश्‍यक कागदपत्रे ठेवावीत. कोरोनाबाबत प्रशासनाकडून वारंवार आव्हान करूनही नागरिक गांभीर्याने घेत नाहीत, त्यामुळेच सध्याची परिस्थिती चिंताजनक झाली आहे. त्यावर आत्ता नियंत्रण आले नाही, तर कडक निर्णय घ्यावे लागतील. पुणेकर सुजाण आहेत. त्यांनी पुर्वीप्रमाणेच यावेळीही परिस्थितीचे गांभीर्य ओळखावे.'
- डॉ.रविंद्र शिसवे, पोलिस सहआयुक्त.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.