पुणे : पुणे जिल्ह्यात बुधवारी (ता.२१) सलग तिसऱ्या दिवशी नवीन रुग्णांच्या तुलनेत कोरोनामुक्त रुग्णांची संख्या वाढली आहे. पुणे शहरातही मागील तीन दिवसांपासून सातत्याने कोरोनामुक्त रुग्णांचे प्रमाण अधिक आहे. आज दिवसभरात जिल्ह्यात ११ हजार १७४ तर, पुणे शहरात ६ हजार ५३० जण कोरोनामुक्त झाले आहेत. आज दिवसभरात १० हजार ९०२ नवे कोरोना रुग्ण आढळून आले आहेत. दिवसातील एकूण रुग्णांत शहरातील ५ हजार ५२९ जण आहेत. दरम्यान, जिल्ह्यात आज १२० रुग्णांचा मृत्यू झाला आहे. त्यात पुणे शहरातील ५६ मृत्यू आहेत. पिंपरी चिंचवडमध्ये ३२, जिल्हा परिषद कार्यक्षेत्रात २२, नगरपालिका हद्दीत सात आणि कॅंटोन्मेंट बोर्ड क्षेत्रात तीन रुग्णांचा मृत्यू झाला आहे. दिवसभरात कोरोनामुक्त झालेल्यांमध्ये शहरातील सर्वाधिक रुग्णांबरोबरच पिंपरी चिंचवडमधील २ हजार ३७६, जिल्हा परिषद कार्यक्षेत्रातील १ हजार ७३५, नगरपालिका क्षेत्रातील ४३३ आणि कॅंटोन्मेंट बोर्ड क्षेत्रातील १००
जण आहेत. आजच्या एकूण नवीन रुग्णांत पुणे शहरातील सर्वाधिक रुग्णांबरोबरच पिंपरी चिंचवडमधील २ हजार ३८५, जिल्हा परिषद कार्यक्षेत्रातील २ हजार ३१५, नगरपालिका हद्दीतील ४८० आणि कॅंटोन्मेंट बोर्ड क्षेत्रातील १९३ रुग्ण आहेत. जिल्ह्यात सध्या २७ हजार ७६५ रुग्ण विविध रुग्णालयात उपचार घेत आहेत. तसेच ७३ हजार ६११ जण गृहविलगीकरणात आहेत. आज ४२ हजार ७८३ कोरोना चाचण्या घेण्यात आल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.