टाकळी हाजी (पुणे) : शिरूर तालुक्यातील पश्चिम भागात कोरोनाचा प्रार्दुभाव होऊ नये, यासाठी गेली तीन महिने ग्रामस्थांनी गाव व रस्ते बंद करून गावाचे संरक्षण केले. मात्र, मुंबईवरून आलेल्या कुटूंबातील एक जण कोरोनाबाधित आढळला आहे. त्यामुळे टाकळी हाजी गावात पुन्हा लॅाकडाऊन करण्यात आल्याची माहिती ग्रामविस्तार अधिकारी राजेंद्र खराडे यांनी दिली.

शेतकऱ्याच्या पोरोची गरुड भरारी

टाकळी हाजी येथील साबळेवाडी येथे मुंबईवरून 3 जून रोजी 4 जण आले होते. या सर्वांना होम 
क्वारंटाइन करण्यात आले होते. परंतु, यामधील 58 वर्षीय पुरुषाला 10 जून रोजी त्रास होऊ लागला. त्याला टाकळी हाजी प्राथमिक आरोग्य केंद्रात तपासणी करून औंध येथे तपासणीसाठी पाठविले. त्याचा अहवाल 11 जून रात्री उशिरा पॉझिटिव्ह आला असल्याची माहिती वैद्यकीय अधिकारी प्रदीप बिक्कड यांनी दिली.

बारामतीच्या नवीन वाहतूक आराखड्याला हिरवा कंदिल

टाकळी हाजी येथे मुंबई येथील रेड झोन धारावीमधून 12 ते 13 जण आले होते. त्यांना कुंड पर्यटन स्थळी क्वारंटाइन करण्यात आले होते. येथे राज्य राखीव पोलिस दलाची तुकडी तैनात केली होती. येथे कोणीही पॅाझीटिव्ह सापडले नाही. म्हसे बुद्रुक येथील सापडलेले पॅाझीटिव्ह रूग्ण व कुटुंब देखील निगेटिव्ह आले आहेत. त्यानंतर साबळेवाडी येथे मुंबईवरून आलेल्या कुटूंबात एक व्यक्ती पॅाझीटिव्ह अहवाल आल्याने परीसरात घबराहटीचे वातावरण आहे. त्यामुळे या भागातील रस्ते बंद केले असल्याची माहिती खराडे यांनी दिली.